Hlýindi hafa sett svip sinn á fyrstu mánuði ársins

Á Ak­ur­eyri var meðal­hiti fyrstu fjög­urra mánaða árs­ins -1,0 stig, sem er 1,3 stig­um und­ir meðallagi ár­anna 1991-2020 og 1,7 stig­um und­ir meðallagi und­an­far­ins ára­tug­ar. Þar raðaðist meðal­hit­inn í 80. hlýja sæti.

Mikið hef­ur rignt

Heild­ar­úr­koma í Reykja­vík fyrstu fjóra mánuði árs­ins 2025 mæld­ist 384,5 milli­metr­ar (mm) sem er um 20% um­fram meðal­úr­komu ár­anna 1991-2020. Á Ak­ur­eyri mæld­ist heild­ar­úr­koma mánaðanna fjög­urra 219,9 mm, sem er um 20% um­fram meðal­úr­komu ár­anna 1991-2020.

Fram kem­ur í tíðarfars­yf­ir­lit­inu að nýliðinn apr­íl­mánuður hafi verið óvenju­lega hlýr á land­inu öllu, sér­stak­lega fyrstu tíu dag­ar mánaðar­ins.

Á landsvísu var þetta 5. hlýj­asti apr­íl­mánuður frá upp­hafi mæl­inga. Tíð var góð, það var hægviðrasamt og til­tölu­lega þurrt um stór­an hluta lands­ins. Gróður tók vel við sér.

Meðal­hiti í Reykja­vík mæld­ist 5,7 stig í apríl. Það er 2,0 stig­um yfir meðallagi ár­anna 1991-2020, en 1,5 stig­um yfir meðallagi síðustu tíu ára. Raðast mánuður­inn í 6. sæti í röð 155 mæl­inga.

Á Ak­ur­eyri var meðal­hit­inn 4,7 stig, 2,1 stigi yfir meðallagi ár­anna 1991-2020, en 1,3 stig­um yfir meðallagi síðustu tíu ára. Er mánuður­inn í 9. sæti 145 mæl­inga.

Í Stykk­is­hólmi var meðal­hiti mánaðar­ins 5,1 stig og raðast hann í 4. sæti mæl­inga sem spanna heil 180 ár.

Að til­tölu var þurrt um mest­allt land í mánuðinum. Mánaðarúr­kom­an í Reykja­vík mæld­ist 30,8 mm, sem er um 52% af meðal­úr­komu ár­anna 1991-2020. Á Ak­ur­eyri mæld­ist mánaðarúr­kom­an 38,8 mm, sem er um 50% um­fram meðallag ár­anna 1991-2020. Í Stykk­is­hólmi mæld­ist úr­kom­an 39,1 mm.