Málið í Bríetartúni á borði Félagsbústaða

Fram­kvæmda­stjóri Fé­lags­bú­staða seg­ir mál íbúa í Bríet­ar­túni 20 sem valdið hef­ur ná­grönn­um sín­um ónæði og óþæg­ind­um á borði stofn­un­ar­inn­ar. Mál sem þessi geti þó verið flók­in og tíma­frekt að greiða úr þeim.

Vís­ir sagði í morg­un frá því að konu hafi verið vísað úr leigu­íbúð sinni við Bríet­ar­tún 20 en íbúðin er á veg­um Fé­lags­bú­staða. Kon­an hafði ekki borgað leigu í marga mánuði en taldi sig ekki þurfa þess vegna ónæðis sem hafði stafað af öðrum íbúa á stiga­gang­in­um í um tvö ár.

Í um­fjöll­un­inni er haft eft­ir föður kon­unn­ar sem vísað var úr íbúð sinni í morg­un að ná­grann­inn hafi of­sótt dótt­ur hans, en viðkom­andi býr sömu­leiðis í íbúð á veg­um Fé­lags­bú­staða.

Fyrst haft sam­band við viðkom­andi

Í sam­tali við mbl.is staðfest­ir Sigrún Árna­dótt­ir, fram­kvæmda­stjóri Fé­lags­bú­staða, að stofn­un­in sé meðvituð um þenn­an óróa sem ríkt hef­ur í Bríet­ar­túni og sé með málið á sínu borði. Hún geti þá ekki tjáð sig sér­stak­lega um mál ein­staka leigj­enda.

Spurð hvort Fé­lags­bú­staðir hafi ein­hver úrræði til að bregðast við því þegar leigj­end­ur valda öðrum ónæði og óþæg­ind­um seg­ir Sigrún:

„Okk­ur ber­ast auðvitað kvart­an­ir ef eitt­hvað er ekki í lagi. [...] Við fáum svo­leiðis sím­töl og af­greiðum þau með þeim hætti að fyrst er haft sam­band við viðkom­andi og hon­um gef­inn kost­ur á að bæta ráð sitt en ef kvart­an­ir halda áfram að ber­ast til okk­ar get­ur þetta endað með því að leigu­samn­ingi sé rift.“

„Við verðum að fara þessa lög­bundu leið. Við get­um ekki, eins og sum­ir halda, vísað ein­hverj­um sem er erfiður og leiðin­leg­ur út einn, tveir og þrír,“ seg­ir Sigrún og bæt­ir við:

„Fólki er oft gefið kost­ur á að fara sjálft en það er oft sem það ger­ir það ekki og þá þarf að fara í gegn­um sýslu­mann og það get­ur tekið tölu­verðan tíma.“

Um 10 samn­ing­um rift ár­lega

Sigrún seg­ir að þegar leigu­samn­ingi er rift sé það ým­ist út af því að leigj­end­ur brjóti á hús­eign­ar­lög­um eða af því að þeir séu orðnir stór­skuldug­ir gagn­vart Fé­lags­bú­stöðum. Hún bæt­ir þó við að það sé ekki oft sem slík mál komi upp en um 10 samn­ing­um er rift ár­lega.

„Sem bet­ur fer eru þetta ekki mjög marg­ir samn­ing­ar sem við rift­um á ári, við erum með hátt í 3.000 íbúðir á leigu og í flest­um til­fell­um geng­ur mjög vel en í svona stór­um hópi get­ur ým­is­legt komið upp,“ seg­ir Sigrún og bæt­ir við:

„Okk­ar meg­in­mark­mið er auðvitað að reyna að tryggja hús­næðis­ör­yggi okk­ar leigj­anda. [...] Það er allt kapp lagt í það bæði hjá Fé­lags­bú­stöðum og á vel­ferðasviði að stuðla að hús­næðis­ör­yggi og þurfa ekki að vísa fólki frá.“

Nýtt fyr­ir­komu­lag væri „miklu betra“

Í fyrr­nefndri um­fjöll­un Vís­is um ástandið í Bríet­ar­túni furðaði faðir kon­unn­ar, sem vísað var úr íbúð sinni í morg­un, sig á greiðslu­fyr­ir­komu­lag­inu til Fé­lags­bú­staða. Dótt­ir hans sem er virk­ur fík­ill þurfti sjálf að bera ábyrgð á því að standa í skil­um við stofn­un­ina en hon­um þætti skyn­sam­legra ef að bæt­ur Trygg­inga­stofn­un­ar til kon­unn­ar myndu renna beint til Fé­lags­bú­staða.

Spurð hvort það sé fyr­ir­komu­lag sem Fé­lags­bú­staðir hafi skoðað seg­ir Sigrún:

„Ég veit að það hef­ur eitt­hvað verið skoðað milli Trygg­inga­stofn­unn­ar og vel­ferðarsviðs en ein­hverra hluta vegna hef­ur það ekki náðst í gegn. [...] Þetta er svona með sér­tæk­an hús­næðisstuðning og hús­næðis­bæt­ur, það renn­ur hingað en það er und­ir­ritað í leigu­samn­ing að það megi ger­ast með þeim hætti.“

„Ef að þetta væri svona myndi það auðvitað styðja marga sem að eru kannski í mjög veikri stöðu gagn­vart fíkni­efn­um að tryggja það að pen­ing­arn­ir fari ekki all­ir í ein­hverja vit­leysu held­ur væru greiðslur fyr­ir hús­næði tryggðar. Auðvitað væri það miklu betra en því miður er það ekki þannig,“ seg­ir Sigrún að lok­um.

• Blogga um frétt