Skilja hugmyndafræðina en þurfa meiri vissu

„Við skilj­um hug­mynda­fræðina en við þurf­um að fá meiri vissu að þetta muni hafa já­kvæð áhrif. Ef all­ur þessi hóp­ur lend­ir síðan á fé­lagsþjón­ustu sveit­ar­fé­laga, þá hef­ur nú ein­hvers staðar orðið fóta­skort­ur.“

Þetta seg­ir Arn­ar Þór Sæv­ars­son, fram­kvæmda­stjóri Sam­bands ís­lenskra sveit­ar­fé­laga, spurður álits á skerðingu á bóta­tíma­bili at­vinnu­leys­is­trygg­inga úr 30 mánuðum í 18 mánuði.

Frétt af mbl.is

„Rík­is­stjórn­in ræðst að líf­eyr­is­sjóðum verka­fólks“

Leiðarljós fjár­mála­áætl­un­ar­inn­ar

Greint hef­ur verið frá gagn­rýni Alþýðusam­bands Íslands og BSRB og að í um­sögn ASÍ um málið komi fram að byrðin fær­ist á sveit­ar­fé­lög og geti jafn­vel leitt til skjótr­ar end­ur­komu á at­vinnu­leys­is­skrá.

Í fjár­mála­áætl­un fjár­mála- og efna­hags­ráðuneyt­is­ins kem­ur aft­ur á móti fram að áhersla verði lögð á að aðstoða fólk með skerta starfs­getu við að fá störf á vinnu­markaði.

„Leiðarljósið er ein­fald­ara greiðslu­kerfi sem styður við virkni fólks, sam­felld­ar greiðslur í end­ur­hæf­ingu, sam­vinna þjón­ustu­kerfa og stuðning­ur til auk­inn­ar at­vinnuþátt­töku. Með far­sælli inn­leiðingu og öfl­ug­um aðgerðum tök­um við bet­ur utan um fólk en áður og setj­um fólkið fyrst,“ seg­ir í áætl­un­inni. Efla eigi ss. virkniúr­ræði og stuðning svo að fólk kom­ist fyrr aft­ur á at­vinnu­markað.

Frétt af mbl.is

Vara við af­drifa­rík­um af­leiðing­um

Sam­bandið bíði eft­ir ná­kvæm­um út­reikn­ing­um

Komið hef­ur fram að ríkið komi til með að spara 3,5 millj­arða ár­lega við þessa breyt­ingu. Spurður hvað sé gert ráð fyr­ir að breyt­ing­in muni kosta sveit­ar­fé­lög­in seg­ir Arn­ar sam­bandið vera að bíða eft­ir ná­kvæm­um út­reikn­ing­um á kostnaðinum og bæt­ir við:

„Við erum að bíða eft­ir því að sjá svona hvernig ríkið ætl­ar að vinna úr þessu. Inn­an þess tíma­bils sem viðkom­andi er á at­vinnu­leys­is­skrá skipt­ir máli að til séu öfl­ug virkniúr­ræði fyr­ir viðkom­andi.

Ef áform rík­is­ins ganga upp og virkniúr­ræðin reyn­ast vera öfl­ugri og sterk­ari miklu fyrr í ferl­inu, þá von­umst við auðvitað til þess að það muni hjálpa viðkom­andi að fara út á vinnu­markaðinn aft­ur. Við erum svo­lítið að bíða eft­ir þeim rök­stuðningi, hvernig þetta muni líta út.“

• Blogga um frétt