Borgin frestar lausn í Klettaskóla

Eins og Morg­un­blaðið hef­ur greint frá varð að vísa um­sókn­um margra nem­enda frá þegar um­sókn­ir um skóla­vist kom­andi haust voru tekn­ar fyr­ir. Er ástæðan sú að hús­næði Kletta­skóla er yf­ir­fullt, enda þótt ít­rekað hafi verið bætt við kennslu­stof­um til að mæta fjölg­un nem­enda. Ekki bæt­ir síðan úr skák að sér­skóla­kenn­ar­ar eru ekki á hverju strái.

Í grein­ar­gerð Mörtu með til­lög­unni seg­ir að hún sé fram kom­in vegna þeirr­ar al­var­legu stöðu að af 42 nem­end­um, sem upp­fylltu skil­yrði til inn­göngu í Kletta­skóla, hafi ein­ung­is 14 hlotið skóla­vist. Þetta stafi af skorti á hús­næði en það hafi legið lengi fyr­ir að Kletta­skóli sé sprung­inn.

Brýnt sé að koma til móts við nem­end­ur sem fengu ekki skóla­vist í Kletta­skóla næsta haust og því lagt til að Reykja­vík­ur­borg komi á lagg­irn­ar sér­skóla­úr­ræði í tæka tíð, sem geti tekið á móti þeim nem­end­um sem ekki fengu inn­göngu í Kletta­skóla.

Af­greiðslu til­lög­unn­ar var frestað á fund­in­um, eins og fyrr seg­ir, en næsti fund­ur í skóla- og frí­stundaráði verður eft­ir tæp­ar tvær vik­ur. Vænt­ir Marta þess að til­lag­an komi þá til af­greiðslu, enda brýnt að bregðast við ástand­inu.