Erfiðu vatnsárin það versta

„Staðan hef­ur batnað, hún var mjög svört síðasta haust, en hef­ur batnað í vet­ur, þessi vet­ur var hag­stæður,“ seg­ir Gunn­ar Guðni Tóm­as­son, fram­kvæmda­stjóri vatns­afls hjá Lands­virkj­un, spurður út í vatna­bú­skap lands­ins nú er tölu­vert hef­ur rignt þótt snjólétt hafi verið á há­lend­inu.

„Staðan í lón­un­um fyr­ir aust­an er góð, í Hálslóni og Blönd­u­lóni, en und­ir meðallagi miðað við árs­tíma í Þóris­vatni, þetta er dá­lítið mis­skipt milli lands­hlut­anna, en staðan er góð,“ held­ur hann áfram og bend­ir á að leys­ing­ar séu hafn­ar. „Snjór­inn er að stór­um hluta kom­inn niður, en þó er snjór enn á hlut­um há­lend­is­ins, til dæm­is er tals­verður snjór við Þjórsá og þar á eft­ir að koma tölu­vert niður. Svo á eft­ir að koma í ljós hvernig sum­arið verður,“ seg­ir Gunn­ar.

Nýtt fram­boð ekki náð inn

Hann tek­ur fram að allt kerfið miðist við svo­kölluð vatns­ár og að ráða við þau. „Síðasta ár var mjög erfitt, en ef við fáum sæmi­lega gott vatns­ár er þetta allt auðveld­ara. Það eru al­veg lík­ur á að staðan verði mun betri í haust en síðasta haust,“ seg­ir hann og er spurður út í skýrslu Landsnets þar sem varað er við hugs­an­leg­um orku­skorti næstu ár.

„Já, þetta staðfest­ir í raun bara það sem við og Landsnet og fleiri höf­um sagt í mörg ár og varað við. Það er að þrengj­ast um í kerf­inu og í það hef­ur stefnt lengi að það verði skort­ur á bæði orku og afli í kerf­inu. Eft­ir­spurn­in vex eðli­lega, en fram­boðið er ekki að koma inn, við höf­um ekki náð að koma nýju fram­boði inn auk þess sem flutn­ings­kerfi Landsnets hef­ur taf­ist,“ svar­ar Gunn­ar um hæl.

Að ráða við erfiðu árin

Hann seg­ir Lands­virkj­un keyra verk­efn­in áfram, von­ir standi til að vind­g­arður­inn Vaðöldu­ver kom­ist í notk­un snemma næsta árs og í kjöl­farið fylgi Hvamms­virkj­un þar sem öll leyfi liggi þó ekki fyr­ir enn sem komið er.

„Þetta eru þó allt lík­indi eins og Landsnet hef­ur bent á og þess­ar lík­ur raun­ger­ast ef við fáum erfið vatns­ár, fáum við hins veg­ar sæmi­lega góð vatns­ár reyn­ir ekki á þetta að sama skapi. Við þurf­um að ráða við þessi erfiðu ár, ann­ars lend­um við í vand­ræðum,“ út­skýr­ir Gunn­ar.

Er ein­hver þumalputta­regla grein­an­leg um á hve margra ára fresti slæm ár koma fyr­ir?

„Nei, nei, þau eru bara misslæm, síðasta ár var það versta sem við höf­um séð í 20 ár, það var mjög erfitt vatns­ár og við von­umst til að fá ekki slíkt ár aft­ur, vatns­árið byrj­ar 1. októ­ber og nú­ver­andi vatns­ár hef­ur verið hag­stætt hingað til og svo á nátt­úru­lega eft­ir að koma í ljós hvernig sum­arið verður, þá kem­ur jök­ulleys­ing­in og kem­ur þá í ljós hvernig hún skil­ar sér. Hún er okk­ur mjög mik­il­væg, sér­stak­lega á Aust­ur­landi,“ seg­ir Gunn­ar Guðni Tóm­as­son, fram­kvæmda­stjóri vatns­afls hjá Lands­virkj­un, að lok­um um gang mála við vatns­bú­skap lands­ins.

• 1 blogg um frétt­ina

Bloggað um frétt­ina

• Rún­ar Már Braga­son: Þýðir ekki að keyra vind­myllu­orku­ver í gegn ef Landsnet upp­fær­ir …