Hjólað í vinnuna hófst í dag

Heiða Björg Hilm­is­dótt­ir borg­ar­stjóri Reykja­vík­ur setti í dag heilsu- og hvatn­ingar­átakið Hjólað í vinn­una af stað með at­höfn í Ráðhúsi Reykja­vík­ur.

Ásamt Heiðu settu átakið af stað þau Sigrún Ágústs­dótt­ir for­stjóri Nátt­úru­vernd­ar­stofn­un­ar, María Ögn Guðmunds­dótt­ir, Íslands­meist­ari í götu­hjól­reiðum, og Andri Stef­áns­son fram­kvæmd­ar­stjóri ÍSÍ.

Heiða minnt­ist á að mikið væri lagt upp úr að bæta innviði fyr­ir hjólandi veg­far­end­ur í borg­inni.

Í grein á vef Reykja­vík­ur­borg­ar kem­ur fram að nú séu sér­stak­ir hjóla­stíg­ar í Reykja­vík sam­tals orðnir um 45 km að lengd.

Áætlað er að hjóla­stíg­um fjölgi einnig á næstu árum í ákveðnum hverf­um. Er sú vinn­an unn­in með hliðsjón af Borg­ar­línu­verk­efn­inu. 

Mynd­ar skemmti­lega stemm­ingu á vinnu­stöðum

„Ég vil þakka ÍSÍ fyr­ir þetta frá­bæra fram­tak sem Hjólað í vinn­una er, því það er svo miklu meira en bara hvatn­ing fyr­ir fólk að fara út og hreyfa sig, þetta er ekki síður um­hverf­i­s­vænt hópefli sem stuðlar að skemmti­legri stemmn­ingu á vinnu­stöðum um allt land. Og það eru alltaf ein­hverj­ir í kjöl­farið sem ákveða að stíga skrefið til fulls,og bæt­ast í hóp hjóla­fólks árið um kring,“ sagði borg­ar­stjóri.

• Blogga um frétt