Hvalir komnir í Hvalfjörð

Hún seg­ist hafa fengið ábend­ingu um þetta á þriðju­dag­inn í síðustu viku og talið fyrst að um væri að ræða brot á skerj­um við munna Hval­fjarðargang­anna.

„Núna eru þeir komn­ir það inn­ar­lega að við för­um ekki á stóru bát­un­um að þeim held­ur nálg­umst þá á RIB-bát­um. Þetta voru meira hrefn­ur áður en núna er þetta hnúfu­bak­ur.“

Hval­fjörður­inn stend­ur und­ir nafni þessa dag­ana. Bæði fugl­ar og hval­ir virðast hafa nóg af æti við Saur­bæ á Hval­fjarðar­strönd. Ljós­mynd/​Rob Hym­an-Eld­ing

Hnúfu­bak­ur­inn er tæki­færissinni

Guðjón Már Sig­urðsson, sjáv­ar­líf­fræðing­ur hjá Haf­rann­sókna­stofn­un, seg­ir skýr­ing­una á því að hval­ir sjá­ist á þess­um stað vera þá að þeir elti fæðuna og fugl­inn í kring gefi það einnig til kynna.

„Þetta er hnúfu­bak­ur og hann er vænt­an­lega þarna á eft­ir smá­síld, bris­lingi eða ein­hverju öðru æti. Þeir fara þangað sem ætið er og þvæl­ast víða. Hnúfu­bak­ur er ólík­ur öðrum skíðis­hvöl­um að því leyti að hann er meiri tæki­færissinni þegar kem­ur að fæðuöfl­un­inni, þannig að það skipt­ist til helm­inga áta og fisk­ur. Hrefna er svipuð hnúfu­bakn­um en stóru skíðis­hval­irn­ir eru nær ein­göngu í át­unni. Yfir 90% af fæðu skíðis­hvala eru áta. Steypireyður, langreyður og sand­reyður lifa nær ein­göngu á át­unni.“