Myndir: Biðja fyrir kardínálunum í páfakjöri
Setja bókamerki
Boðað var til messu í Kaþólsku kirkjunni í dag til að biðja fyrir kardínálunum sem kjósa nýjan páfa en páfakjör hófst í Sixtínsku kapellunni í Róm síðdegis í dag.
„Kardínálar Kaþólsku kirkjunnar eru nú komnir saman til að kjósa nýjan páfa. Það er hlutverk þeirra. En sjálfsagt þarfnast þeir hjálpar og aðstoðar okkar og þess vegna langar mig innilega að biðja alla kaþólikka í biskupsdæminu okkar og einnig allt fólk sem hefur góðan vilja, ég vil biðja ykkur að sýna þeim stuðning í þessu mikilvæga verkefni,“ sagði David Terner í boðskap sínum vegna páfakjörsins.
Ekki er ljóst hvenær kjör páfans verða ljós en kardínálarnir kjósa um nýjan páfa tvisvar á dag. Framvinda kosninganna er gefin til kynna með reyk frá strompi kapellunnar þegar kjörseðlar kardínálanna eru brenndir. Svartur reykur merkir að engin niðurstaða hafi náðst en hvítur að nýr páfi hafi verið valinn.
Svartur reykur kom frá strompi kapellunnar á sjötta tímanum í dag og mun atkvæðagreiðsla halda áfram á morgun.
„Verið velkomin í VIP-röðina“
Skor flytur eftir áralangar deilur
Gagnrýnir launahækkanir æðstu ráðamanna
Biðu eftir útköllum í Ólafsfirði
Átján borgarstarfsmenn til Póllands
Áratugir gætu liðið fram að næstu goshrinu
Norska verðið í uppnámi
Veðrið andstyggð og fuglum hætt