Haf­dís Bára Óskars­dótt­ir, sem Jón Þór Dag­bjarts­son er ákærður fyr­ir að hafa reynt að bana, bar vitni fyr­ir Héraðsdómi Aust­ur­lands í dag. Jón Þór er sakaður um að hafa veist að henni með rúllu­bagga­teini og notað hann til að stinga hana í kviðinn og þrengja að hálsi henn­ar.

Haf­dís seg­ir að Jón hafi verið sá ró­leg­asti við árás­ina. Hún lýsti langvar­andi of­beldi af hálfu Jóns fyr­ir dóm­in­um í dag.

Aðalmeðferð í mál­inu hófst í dag en árás­in sem Jón er ákærður fyr­ir átti sér stað nokkr­um klukku­stund­um eft­ir að Haf­dísi var synjað um nálg­un­ar­bann á Jón. Ákær­an er í nokkr­um liðum en Jón er einnig ákærður fyr­ir stór­fellt brot í nánu sam­bandi.

Árás­in átti sér stað í skemmu við bæ­inn Há­mund­astaði IV í Vopnafirði hinn 16. októ­ber í fyrra.

Haf­dís lýsti því fyr­ir dómi að hún hafi verið að taka til í skemm­unni og henda út dóti þegar Jón bar að garði. Fólkið var áður í sam­búð og á sam­an einn son. Er Jón sagður hafa spurt Haf­dísi hvað hún væri að gera og hún svarað því að hún væri að henda út dóti sem hefði átt að vera búið að taka fyr­ir löngu. 

Frétt af mbl.is

Vís­ar til geðrofs við árás í Vopna­fjarðar­máli

„Þú ert að drepa mig“

Haf­dís lýs­ir því að þau hafi átt frek­ari orðaskipti áður en árás­in átti sér stað og að Jón hafi verið sá ró­leg­asti í þeim sam­töl­um. Sagði hún við hann að þau þyrftu að „klára þetta“ og átti hún þá við skilnaðinn. Lýs­ir hún því að í kjöl­farið hafi Jón teygt sig í rúllu­bagga­tein og byrjað að stinga hana í kviðinn áður en hún féll og hann þrengdi að hálsi henn­ar.

Í fyrstu reyndi Haf­dís að öskra á hjálp í von um að ein­hver myndi heyra í henni en hún reyndi fljót­lega að tala um son þeirra til að fá hann til að hætta en það virt­ist ekki stöðva hann.  

Sagði Haf­dís við hann „þú ert að drepa mig“ og svaraði Jón því ját­andi. 

Haf­dís seg­ist ekki vita hvers vegna Jón hætti árás­inni en hún sá fljót­lega vin­konu sína hlaupa að sér.  

Haf­dís lýsti því að hún glímdi við mikla and­lega erfiðleika eft­ir árás­ina þar sem hún væri oft óör­ugg og væri alltaf á varðbergi. Hún hef­ur einnig verið í end­ur­hæf­ingu á Reykjalundi vegna áverka sem ollu taugaskaða í hægri hand­legg henn­ar. 

Frétt af mbl.is

Ákærður fyr­ir til­raun til mann­dráps

Frétt af mbl.is

Vistaður á geðdeild í gæslu­v­arðhaldi

Sagðist ætla kála kon­unni

Vin­kon­an sem kom að Haf­dísi eft­ir árás­ina bar einnig vitni fyr­ir héraðsdómi í dag og var frá­sögn henn­ar að mestu leyti í sam­ræmi við frá­sögn Haf­dís­ar. Hún lýsti því að hún hafi haldið að Haf­dís væri lát­in þegar hún sá hana liggj­andi á skemmugólf­inu. Hún náði ekki sam­bandi við Haf­dísi fyrr en hún fór að „pota“ í hana. 

Sagði vin­kon­an einnig frá því að hún hafi rætt við Jón eft­ir árás­ina þar sem hann er sagður hafa sagst ætla kála Haf­dísi, en síðar dregið það til baka því hann elskaði hana. Lög­reglumaður sem bar einnig vitni fyr­ir dómi seg­ir að í upp­töku á ör­ygg­is­mynda­vél hafi heyrst í Jóni segja við vin­kon­una: „Ég ætla segja þér það, ég ætlaði að kála henni.“

Frétt af mbl.is

Sagðist ætla að „kála“ Haf­dísi

Haf­dís lýsti einnig sam­bandi henn­ar og Jóns fyr­ir dómi sem hún seg­ir að hafi byrjað vel en að fljót­lega hafi komið í ljós erfiðleik­ar. Ræddi hún að Jón ætti það til að taka skapofsa­köst og hvernig hann hafði þrýst á hana um kyn­líf sem hún hafi látið und­an, líka eft­ir að sam­band­inu lauk. 

Aðalmeðferð máls­ins held­ur áfram á morg­un. 

Tengd­ar frétt­ir

Ákært í Vopna­fjarðar­máli

Vill 7-8 ára fang­elsi í Vopna­fjarðar­máli

• Jón Þór met­inn sak­hæf­ur
• Vís­ar til geðrofs við árás í Vopna­fjarðar­máli
• Árás­ar­mál á Vopnafirði: Beðið eft­ir niður­stöðu í sak­hæf­is­mati
• Ákærður fyr­ir til­raun til mann­dráps

» Fleiri tengd­ar frétt­ir

• Blogga um frétt