Viðkvæm per­sónu­gögn sem telj­ast til rann­sókn­ar­gagna lög­reglu og gögn sem embætti sér­staks sak­sókn­ara aflaði með dóms­úrsk­urði voru meðal þeirra gagna sem fyr­ir­tækið PPP ehf. hafði í fór­um sín­um. Héraðssak­sókn­ari seg­ir gögn­in stol­in og að þau hefðu ekki átt að fara út fyr­ir dyr sak­sókn­ara­embætt­is­ins.

Fyr­ir­tækið var stofnað af lög­reglu­mönn­un­um Jóni Ótt­ari Ólafs­syni af­brota­fræðingi og Guðmundi Hauki Gunn­ars­syni lög­fræðingi, en þeir voru þá starfs­menn embætt­is sér­staks sak­sókn­ara.

Í síðustu viku greindi frétta­skýr­ingaþátt­ur­inn Kveik­ur frá um­fangs­mikl­um njósn­um PPP fyr­ir Björgólf Thor Björgólfs­son vegna mál­sókn­ar fyrr­ver­andi hlut­hafa Lands­bank­ans. Var meðal ann­ars njósnað um for­svars­menn mál­sókn­ar­inn­ar og lög­manns­stof­ur. Þá var greint frá því að nú­ver­andi lög­reglumaður hefði á vinnu­tíma einnig tekið þátt í eft­ir­liti fyr­ir PPP og fengið greitt fyr­ir það.

Frétt af mbl.is

Björgólf­ur sagður hafa fjár­magnað njósn­ir á hlut­höf­um

Jón Óttar Ólafs­son var áður lög­reglumaður og stofnaði fyr­ir­tækið PPP. Bauð fyr­ir­tækið meðal ann­ars þjón­ustu í formi njósna. Ljós­mynd/​Sig­fús Már Pét­urs­son

Sagði Ólaf­ur Þór Hauks­son héraðssak­sókn­ari við mbl.is í síðustu viku að hann væri í hálf­gerðu áfalli eft­ir um­fjöll­un­ina og að þeir Jón Óttar og Guðmund­ur hefðu lengi verið grunaðir um að hafa stolið gögn­um frá embætt­inu. Eft­ir rann­sókn á mál­inu var það fellt niður af rík­is­sak­sókn­ara. Embættið hef­ur hins veg­ar tekið verk þeirra til rann­sókn­ar á ný.

Frétt af mbl.is

„Í hálf­gerðu áfalli“

Rætt verður við Ólaf í Kast­ljósi í kvöld og er það fram­hald af fyrri um­fjöll­un Kveiks, en nýj­ar upp­lýs­ing­ar sýna að PPP hafði mikið magn gagna frá sak­sókn­ara­embætt­inu und­ir hönd­um. Er haft eft­ir Ólafi að eng­in for­dæmi séu um að eins um­fangs­mikl­um gögn­um hafi verið stolið frá embætt­inu og í til­felli PPP.

Seg­ir Ólaf­ur að um sé að ræða gögn sem hefðu aldrei átt að fara úr húsi embætt­is­ins.

Tengd­ar frétt­ir

Gagnastuld­ur og njósn­ir PPP

Skýrslu­tök­ur hafn­ar í gagnaleka­mál­inu

• Seg­ir meint­ar njósn­ir á hans veg­um séu rang­ar
• Siðanefnd vís­ar kæru Jóns Ótt­ars frá
• Hyggst ekki kæra njósn­irn­ar
• Óljóst hvað yf­ir­stjórn­in vissi

» Fleiri tengd­ar frétt­ir

• Blogga um frétt