Vinna þegar aðrir hvílast

Ríf­lega fimmt­ung­ur starfs­fólks á vinnu­markaði í lönd­um Evr­ópu­sam­bands­ins seg­ist venju­lega vinna eitt­hvað um helg­ar. Sam­kvæmt töl­um Eurostat, hag­stofu Evr­ópu­sam­bands­ins, var al­gengt að 22,4% starf­andi fólks á vinnu­markaði í Evr­ópu væru við störf á laug­ar­dög­um og/​​eða sunnu­dög­um á sein­asta ári. Mik­ill mun­ur er þó á milli landa.

Íslend­ing­ar hafa iðulega skorið sig úr í sam­an­b­urði á vinnu­tíma og langri starfsævi meðal Evr­ópuþjóða, þar sem meðal­vinnu­tími hef­ur verið lang­ur hér á landi og starfsæv­in ein sú lengsta, en í nýj­um sam­an­b­urði Eurostat á helg­ar­vinnu skip­ar Ísland sér ekki í hóp efstu landa.

Á sein­asta ári unnu um 14% launþega á ís­lensk­um vinnu­markaði venju­lega á laug­ar­dög­um og/​​eða sunnu­dög­um og um 24% sjálf­stætt starf­andi ein­stak­linga sem eru með starfs­fólk í vinnu, eða alls að jafnaði rúm­lega 15% starf­andi fólks, sam­kvæmt töl­um Eurostat. Til sam­an­b­urðar unnu 22,7% launþega og 42,7% sjálf­stætt starf­andi í Nor­egi venju­lega um helg­ar.

Hlut­fall þeirra sem vinna venju­lega um helg­ar hér á landi hef­ur farið lækk­andi á umliðnum árum, skv. Eurostat, þeir voru til að mynda um 21% árið 2017 og 19% árið 2020.

Leiðrétt:

Kort sem fylgdi frétt­inni í Morg­un­blaðinu i dag var ekki með rétt­um töl­um um hlut­fall launþega í helgar­vinnu, en hér birt­ist rétta út­gáf­an.