Hafnarfjarðarbær leysir til sín lóðina

„Bær­inn nýt­ir sér ákvæði í lóðarleigu­samn­ingi um að ef brenn­ur á lóðinni þá gangi lóðin á ný til sveit­ar­fé­lags­ins þar sem samn­ing­ur­inn er út­runn­inn. Trygg­ing­ar hafa bætt það sem brann og bær­inn nýt­ir sér heim­ild í lóðarleigu­samn­ingi til að taka lóðina til sín við lok leigu­tíma.“

Stend­ur þá til að semja við þá lóðar­hafa sem sluppu við brun­ann en ekki við þann sem missti eign í elds­voða?

„Nei, í raun­inni er verið að kalla lóðina inn í heild, óháð því hvort það brann eða brann ekki. Það verður síðan í hönd­um lög­fræðinga að skýra hvernig rétt­ur þess sem á heila eign ligg­ur gagn­vart bæn­um og svo rétt­ur bæj­ar­ins gagn­vart þeim.“

Er verið að mis­muna aðilum?

„Ég tel ekki svo vera. Við nýt­um okk­ur ákvæði í lóðarleigu­samn­ingi en svo verður úr því skorið á rétt­um vett­vangi á næstu miss­er­um. Það er ekki ætl­un bæj­ar­ins að mis­muna ein­um né nein­um, held­ur ein­göngu verið að koma þessu máli áfram með þeim leiðum sem við höf­um. Að kalla lóð með út­runn­um leigu­samn­ingi til okk­ar út frá ákvæðum um brunalóð er ein af þeim leiðum sem við höf­um.“

Spurður hvort það sé viðtek­in venja að bær­inn leysi lóðir til sín við lok leigu­samn­ings seg­ir Valdi­mar svo ekki vera.

„Það hef­ur ekki verið venj­an að fara þá leið en það er heim­ild fyr­ir því. Við þurft­um að ná niður­stöðu í þessu máli og það var niðurstaða bæj­ar­ráðs að virkja þessa grein. Það hef­ur verið ákveðin slysa­hætta af þess­ari lóð og nú verður farið í hreins­un.“