Efna til vorgöngu á mæðradaginn

Styrkt­ar­fé­lagið Göng­um sam­an efn­ir til vor­göngu á mæðradag­inn, sunnu­dag­inn 11.maí klukk­an 11. 

Í Reykja­vík hefst gang­an á Há­skóla­torgi þar sem ís­lensk­ir vís­inda­menn, sem þegið hafa styrki frá fé­lag­inu, kynna störf sín.

Það er öll­um vel­komið að taka þátt í göng­unni og er þátt­taka í henni gjald­frjáls.

Á svæðinu verður lúðrasveit og skemmti­atriði, og gefst þátt­tak­end­um kost­ur á að styrkja rann­sókn­ir á brjóstakrabba­meini með frjáls­um fram­lög­um eða með því að festa kaup á höfuðklút­um fé­lags­ins. 

Fólki gefst einnig færi á að skrá sig í fé­lagið en nán­ari upp­lýs­ing­ar um það er að finna á heimasíðu fé­lags­ins. 

Selja hind­berja­snúða 

Styrkt­ar­fé­lagið hef­ur verið í sam­starfi við Brauð og CO síðastliðin sjö ár sem staðið hef­ur fyr­ir sölu á bleik­um hind­berja­snúðum fyr­ir gott mál­efni.

Í ár verða snúðarn­ir til sölu í bakarí­um Brauð og CO út 11. maí og renn­ur all­ur ágóði söl­unn­ar óskert til Göng­um sam­an. 

Fimmtán millj­ón­ir til rann­sókna í haust

Mark­mið styrkt­ar­fé­lags­ins er að afla fjár til styrkt­ar grunn­rann­sókna á eðli og or­sök­um brjóstakrabba­meins ásamt því að flýta fyr­ir bættri meðferð og aukn­um lífs­lík­um. 

„Við vit­um það að þess­ir styrk­ir hafa skipt alla þá rann­sókn­ar­hópa sem eru hérna tölu­vert miklu máli, bæði meist­ara- og doktorsnema,“ seg­ir Linda Björk Ólafs­dótt­ir, formaður Göng­um sam­an.

Fé­lagið var stofnað haustið 2007 og út­hlut­ar það styrkj­um í októ­ber ár hvert.

Frá stofn­un þess hef­ur um 165 millj­ón­um verið út­hlutað í styrkj­um til ís­lenskra rann­sókna á brjóstakrabba­meini. 

Í haust stend­ur til að 15 millj­ón­ir renni til vís­inda­rann­sókna ásamt því að vís­inda­sjóði hef­ur verið komið á fót og stend­ur hann í dag í 80 millj­ón­um króna.

Rekið af sjálf­boðaliðum

Styrkt­ar­fé­lagið Göng­um sam­an er rekið af sjálf­boðaliðum og er það fjár­magnað með sölu á varn­ing, fram­lög­um og styrkj­um. Rekstr­ar­kostnaður fé­lags­ins er vart mæl­an­leg­ur en áhersla er lögð á að fram­lög renni óskipt í styrkt­ar­sjóð fé­lags­ins.

„Þetta snert­ir svo marga brjóstakrabba­mein, þess­ar rann­sókn­ir eru lang­tíma­verk­efni en þetta skipt­ir allt svo miklu máli að fá alla sam­an, til þess að bæði vekja at­hygli á brjóstakrabba­meini og þess­ari leit af lækn­ingu sem er lang­hlaup. Einnig vegna þess að þetta hef­ur snert svo marga er gott að koma sam­an á mæðradag­inn og bæði fagna þeim sem allt hef­ur gengið vel hjá og minn­ast þeirra sem krabba­meinið hef­ur sigrað.“

Fleiri upp­lýs­ing­ar um göng­una má finna á vefsíðu göng­um sam­an. 

• Blogga um frétt