Verðum að skoða alla möguleikana sem eru í stöðunni

Spurður hvernig stjórn­völd geti brugðist við þeirri stöðu sem PCC Bakk­iSilicon er komið í af fram­an­greind­um sök­um seg­ir Jens Garðar að sam­kvæmt þeim upp­lýs­ing­um sem hann hafi fengið hjá for­svars­mönn­um fyr­ir­tæk­is­ins komi tolla­stríð illa við fyr­ir­tækið.

„Í ofanálag er verið að flytja hingað til lands kín­versk­an kís­il sem er seld­ur und­ir markaðsverði, að mér skilst, og ég tel að skoða verði vel hvað hægt sé að gera í því máli,“ seg­ir hann.

Frétt af mbl.is

Krefjast viðskipta­vernd­ar í formi tolla

Frum­skylda stjórn­valda

For­svars­menn fyr­ir­tæk­is­ins hafa leitað til fjár­mála- og efna­hags­ráðuneyt­is­ins vegna þeirr­ar skökku sam­keppn­is­stöðu sem þeir telja sig vera í og seg­ir Jens Garðar að það sé frum­skylda stjórn­valda að hitta full­trúa sam­fé­lags­ins í Norðurþingi og full­trúa fyr­ir­tæk­is­ins og greina og meta stöðuna, og reyna að átta sig á hvað hægt sé að gera.

Hann seg­ir erfitt að segja til um á þess­um tíma­punkti hvort unnt væri að reisa ein­hverja toll­múra hér á landi til að verj­ast inn­flutn­ingi kís­il­járns frá Kína.

„En ég held að við verðum að skoða alla þá mögu­leika sem eru í stöðunni. Það er til mik­ils að vinna fyr­ir sam­fé­lagið í Norðurþingi,“ seg­ir Jens Garðar.

„Staðan er grafal­var­leg og ég hef verið í sam­bandi við sveit­ar­stjóra og full­trúa í sveit­ar­stjórn­inni, einnig við Aðal­stein Bald­urs­son formann Fram­sýn­ar, til þess að taka stöðuna og átta mig á um­fang­inu. Ég veit að sveit­ar­fé­lagið er að vinna að grein­ing­um til að geta teiknað bet­ur upp stöðu mála og við fylgj­umst vel með þessu, bæði ég og aðrir þing­menn kjör­dæm­is­ins,“ seg­ir hann.

Frétt af mbl.is

„Grafal­var­leg staða“