Hefndarleiðangur Þórðar Snæs?
Stefán E. Stefánsson
Setja bókamerki
Engar skýringar fást á því opinberlega af hverju stærstur hluti þingflokks Samfylkingar neitar með öllu að mæta á vettvang Spursmála. Staðfest er að framkvæmdastjóri þingflokksins leggst gegn því.
Þetta kemur fram í nýjasta þætti Spursmála.
Heimildir herma að framkvæmdastjórinn, Þórður Snær Júlíusson, hafi meira að segja hvatt þingmenn annarra flokka á þingi til að gera slíkt hið sama?
En er það lýðræðislegt eða málefnalegt?
Í fyrrnefndum þætti er þeirri spurningu varpað fram hvort viðtalið sem Þórður Snær mætti í á vettvangi Spursmála í nóvember síðastliðnum sé nú valdur að því að hann reyni að koma í veg fyrir opinskáa og eðlilega umræðu um mikilvægustu málefni líðandi stundar.
„Þessar elskur“
Í viðtalinu fyrrnefnda var upplýst í fyrsta sinn að Þórður Snær væri maðurinn á bak við Þýska stálið, blogg sem hann hélt úti þegar hann var á þrítugsaldri og lét gamminn geisa, ekki síst með afar niðrandi skrifum um konur.
Mál hans komst í hámæli fyrir nokkrum árum þegar Rannveig Rist, forstjóri Rio Tinto Alcan kærði hann til siðanefndar Blaðamannafélags Íslands fyrir skrif í sinn garð.
Hver var Þýska stálið?
Þá lét Þórður að því liggja að hann væri alls ekki maðurinn sem haldið hefði um pennann undir dulnefninu.
En í nóvember fékkst það endanlega staðfest og þegar frekari skrif Þýska stálsins urðu opinber ákvað Þórður Snær að þiggja ekki sæti á Alþingi. Kristrún Frostadóttir taldi ákvörðunina rétta en gerði hann að framkvæmdastjóra þingflokks Samfylkingarinnar í staðinn.
Erfitt er að slá því föstu hvað veldur. En það er þó að minnsta kosti staðfest hverjar starfsaðferðirnar eru.
Nýjasta þátt Spursmála má sjá í heild sinni hér að neðan:
/frimg/1/52/58/1525880.jpg)
Ófyrirséð hvenær veiðigjöld afgreiðast úr nefnd
Ummælin séu tilhæfulaus og tilbúningur
„Fólki leið betur þegar það kom út úr vélinni“
Landsbankahúsið hentar ekki ríkinu
Safna fyrir fjölskyldu Víglundar
Telja brot flugumferðarstjóranna alvarleg
Skipulagsferli í Breiðholti lokið