Lalli Johns látinn

Lár­us Björn Svavars­son, eða Lalli Johns, er lát­inn 74 ára að aldri. Var hann einn þekkt­asti smáglæpa­maður Íslands á síðustu öld. 

Lár­us varð landsþekkt­ur eft­ir út­gáfu heim­ild­ar­mynd­ar Þorfinns Guðna­son­ar „Lalli Johns“ árið 2001, þar sem hann lýsti lífi sínu á göt­um Reykja­vík­ur, bar­áttu við fíkn og draumi sín­um um betra líf. Mynd­in hlaut Eddu­verðlaun­in fyr­ir heim­ild­ar­mynd árs­ins það árið.

Sig­ur­björn Svavars­son, bróðir Lárus­ar, grein­ir frá því á Face­book að Lár­us hafi fallið frá í dag. Síðustu ævi­ár­in dvaldi hann á Hrafn­istu.

Lár­us fædd­ist í Reykja­vík árið 1951 en for­eldr­ar hans voru Ólafía Sig­ur­björns­dótt­ir og Svavar Björns­son. 

Æska Lárus­ar var erfið. Hann ólst upp við fá­tækt og var vistaður nauðugur á barna- og ung­linga­heim­il­inu í Breiðuvík, þar sem hann þurfti að þola of­beldi að hálfu eldri drengja. Hann hef­ur sagt frá því hvernig sú reynsl­an leiddi hann út í langvar­andi neyslu. Þrátt fyr­ir þetta náði hann að snúa við blaðinu og lifði edrú í rúm­an ára­tug fyr­ir and­lát sitt.

Lár­us var sí­brotamaður og svo­kallaður góðkunn­ingi lög­reglu í fjóra ára­tugi. DV greindi frá því árið 2018 að hann hefði hlotið 42 refsi­dóma frá 1969 nær ein­vörðungu fyr­ir þjófnað. Sam­tals hef­ur hann verið dæmd­ur í rúm­lega 20 ára óskil­orðsbundið fang­elsi.

Hann vakti at­hygli árið 2007 fyr­ir að koma fram í um­deildri aug­lýs­ing­um Örygg­is­miðstöðvar­inn­ar. Sætti aug­lýs­ing­in mik­illi gagn­rýni, ekki síst frá ÖBÍ, fyr­ir að ala á ótta á heim­il­is­lausu fólki og fíkl­um.

Lár­us læt­ur eft­ir sig fjög­ur börn.

• Blogga um frétt