Skora á stjórnvöld að fella niður virðisaukaskatt

Á landsþingi Slysa­varna­fé­lags­ins Lands­bjarg­ar sem haldið var á Sel­fossi á föstu­dag og laug­ar­dag var skorað á stjórn­völd að tryggja Slysa­varna­fé­lag­inu Lands­björg, sem er aðili að samn­ingi um hjálp­arlið Al­manna­varna, og fé­lagsein­ing­um þess, niður­fell­ingu á virðis­auka­skatti vegna starf­semi sinn­ar.

Í grein­ar­gerð seg­ir að starf­semi björg­un­ar­sveita sé óum­deil­an­lega þýðing­ar­mik­il í ís­lensku sam­fé­lagi en á land­inu eru starf­rækt­ar yfir 90 slík­ar sveit­ir sem mannaðar eru sjálf­boðaliðum er sinna marg­vís­legu björg­un­ar- og slysa­varn­ar­starfi.

Ekki óhóf­lega íþyngj­andi

„Í ljósi mik­il­væg­is björg­un­ar­sveita og þeirra lyk­il­hlut­verki í al­manna­varna- og neyðarviðbragði er nauðsyn­legt að rekstr­ar- og skattaum­hverfi þeirra, sem og viður­kenndra heild­ar­sam­taka þeirra sé skýrt og ekki óhóf­lega íþyngj­andi,“ seg­ir í grein­ar­gerðinni.

Þar seg­ir að breyt­ing þessi sé til þess ætluð að hlúa að rekstri björg­un­ar­sveita og viður­kenndra heild­ar­sam­taka þeirra með það að mark­miði að um­rædd­ir aðilar geti sinnt sínu mik­il­væga hlut­verki um ókomna tíð líkt og syst­ur­sam­tök er­lend­is.

„Slík­ar und­anþágur hafa þegar verið veitt­ar á öðrum sviðum sam­fé­lags­ins þegar sér­stak­ar aðstæður rétt­læta það, og því er eðli­legt að horft verði til sjálf­boðaliðasam­taka í hópi viðbragðsaðila og þeim veitt und­anþága frá virðis­auka­skatti vegna starf­semi sinn­ar,“ seg­ir enn frem­ur í grein­ar­gerðinni.

Haldn­ir voru björg­un­ar­leik­ar í tengsl­um við landsþingið. mbl.is/​Sig­urður Bogi

Í ann­arri álykt­un þings­ins var skorað að tryggja sam­hæf­ing­ar­stöð Al­manna­varna og tengd­um viðbragðsaðilum sam­eig­in­legt hús­næði við hæfi sem allra fyrst.

„Skipu­lag og rekst­ur sam­hæf­ing­ar­stöðvar og tengdra viðbragðsaðila í sam­eig­in­legu hús­næði eyk­ur veru­lega skil­virkni og auðveld­ar sam­hæf­ingu viðbragða. Þegar viðbragðsaðilar deila aðstöðu skap­ast betri skil­yrði fyr­ir sam­vinnu, miðlun upp­lýs­inga og sam­ræmdr­ar ákv­arðana­töku í neyðar­til­vik­um,“ seg­ir í greina­gerðinni.

Borg­hild­ur Fjóla nýr formaður

Þar seg­ir að und­an­farið hafi viðbragðsaðilar þurft að búa við dreifða starf­semi í ólík­um húsa­kynn­um, m.a. vegna viðgerða og ástands nú­ver­andi hús­næðis. Þetta hafi skapað óæski­leg­ar hindr­an­ir í dag­legri starf­semi og dregið úr skil­virkni.

Yfir 500 fé­lag­ar sóttu þingið og viðburði tengda því á Sel­fossi og ná­grenni. Á þing­inu var kjör­in ný for­ysta og var Borg­hild­ur Fjóla Kristjáns­dótt­ir kjör­in formaður til næstu tveggja ára.

• 1 blogg um frétt­ina

Bloggað um frétt­ina

• Jó­hann Elías­son: KANNSKI FINNST EIN­HVERJ­UM AÐ FULL­LANGT SÉ GENGIÐ MEÐ ÞESSU - …