Kol­brún Áslaug­ar Bald­urs­dótt­ir, formaður vel­ferðar­nefnd­ar, seg­ir stjórn­ar­and­stöðuna nota fund­arliðinn fund­ar­stjórn for­seta til þess að gráta í pontu fyr­ir fram­an alþjóð. 

Orð Kol­brún­ar komu í kjöl­far þess að Rósa Guðbjarts­dótt­ir, þingmaður Sjálf­stæðis­flokks­ins, tók til máls í þingsal í dag, und­ir liðnum fund­ar­stjórn for­seta, en þing­menn deildu þar um nefnd­ar­störf þings­ins.

Rósa seg­ir vel­ferðar­nefnd Alþing­is hafa gert lítið úr mögu­leg­um áhrif­um lög­fest­ing­ar samn­ings Sam­einuðu þjóðanna um rétt­indi fatlaðs fólks á sveit­ar­fé­lög.  

„Mik­ill fjöldi gesta hafði komið til nefnd­ar­inn­ar en nefnd­in gat ekki orðið við því að fá full­trúa frá fjár­málaráðuneyt­inu eða um­sögn þaðan. Gert var lítið úr því að lög­fest­ing­in gæti haft áhrif á sveit­ar­fé­lög­in og þá sem veita þjón­ust­una,“ sagði Rósa í ræðustól Alþing­is fyrr í dag.

Um „trix“ að ræða

Kol­brún sem er eins og áður seg­ir formaður vel­ferðar­nefnd­ar brást ókvæða við kvört­un­um Rósu í kjöl­farið. 

„Þessi fund­arliður er far­in að taka á sig ótrú­legri mynd. Þegar stjórn­ar­and­stöðunni mis­lík­ar eitt­hvað við okk­ur í meiri­hlut­an­um þá er komið hingað og grátið í pontu fyr­ir fram­an alþjóð,“ sagði Kol­brún í svari sínu í ræðustól Alþing­is. 

Kol­brún sagði að góður hóp­ur gesta hafi komið fyr­ir nefnd­ina áður en málið var af­greitt úr nefnd­inni. Hún vill meina að um „trix“ hafi verið að ræða frá stjórn­ar­and­stöðunni sem hafi viljað koma í veg fyr­ir að málið yrði af­greitt úr nefnd­inni.

Tengd­ar frétt­ir

Alþingi

Sló í brýnu í þingsal

• Ósýni­leg­um sjúk­dómi gef­in rödd
• Nýtt bankaráð Seðlabank­ans kosið á Alþingi
• Þingið vant­ar gögn frá Skatt­in­um
• Þjóðhátíðar­deg­in­um sýnd mik­il van­v­irðing

» Fleiri tengd­ar frétt­ir

• Blogga um frétt