Frétt af mbl.is

Sam­eig­in­leg yf­ir­lýs­ing ut­an­rík­is­ráðherr­anna um Gasa

Rétt­ara að kynna áformin

Í grein­ar­gerð Íslands, sem Kristján Andri Stef­áns­son sendi­herra af­henti, eru skyld­ur Ísra­els sem her­námsaðila að mannúðarrétti áréttaðar, ásamt ábyrgð Ísra­els á að tryggja að stofn­an­ir Sam­einuðu þjóðanna geti sinnt hlut­verki sínu, þar á meðal Palestínuflótta­mannaaðstoð Sam­einuðu þjóðanna (UN­RWA), sem gagn­rýnd hef­ur verið fyr­ir að hafa verið skjól og fjár­mögn­un­ar­leið fyr­ir hryðju­verka­menn Ham­as.

Eft­ir því sem næst verður kom­ist féllst ut­an­rík­is­ráðherra á það á fundi með ut­an­rík­is­mála­nefnd á föstu­dag að rétt­ara hefði verið að kynna fyr­ir nefnd­inni áform um sam­eig­in­lega yf­ir­lýs­ingu ut­an­rík­is­ráðherra Íslands, Írlands, Lúx­em­borg­ar, Nor­egs, Slóven­íu og Spán­ar gegn Ísra­el áður en hún var gef­in út í liðinni viku, en með því bæt­ist Ísland í hóp þeirra Evr­ópu­ríkja sem helst draga taum Ham­as í stríðinu.

Grein­ar­gerðin til alþjóðadóm­stóls­ins virðist hins veg­ar ekki held­ur hafa verið nefnd fyrr en þá, sama dag og frétta­til­kynn­ing var gef­in út og viku eft­ir að grein­ar­gerðirn­ar voru birt­ar.

Nefnd­armaður, sem blaðið ræddi við, kvað ráðherra enn vera „að finna takt­inn“ í sam­ráði við ut­an­rík­is­mála­nefnd, en hann vildi ekki frek­ar en aðrir tjá sig nán­ar um hvað komið hefði fram í máli ráðherr­ans, enda fund­ir nefnd­ar­inn­ar bundn­ir trúnaði.