Sigmundur: „Þetta eru afleitar fréttir“

Sig­mund­ur Davíð Gunn­laugs­son, formaður Miðflokks­ins, seg­ir að starfs­lok Úlfars Lúðvíks­son­ar sem lög­reglu­stjóra séu til­kom­in vegna þess að hann var „hrein­skil­inn um stöðuna í út­lend­inga­mál­um.“

Sig­mund­ur seg­ir að inn­an stjórn­kerf­is­ins að und­an­förnu hafi verið talað um það að Úlfar yrði mögu­lega lát­inn fara.

Þetta kem­ur fram í færslu Sig­mund­ar á Face­book.

Þor­björg Sig­ríður Gunn­laugs­dótt­ir dóms­málaráðherra til­kynnti Úlfari Lúðvíks­syni, fyrr­ver­andi lög­reglu­stjóra lög­regl­unn­ar á Suður­nesj­um, í gær að hún hygðist aug­lýsa stöðu hans en skip­un­ar­tími Úlfars renn­ur út í nóv­em­ber. Úlfar óskaði lausn­ar frá störf­um og varð ráðherr­ann við þeirri ósk.

Frétt af mbl.is

Úlfar hætt­ir sem lög­reglu­stjóri

Steig inn í tóma­rúm sem stjórn­völd skildu eft­ir

„Þetta eru af­leit­ar frétt­ir en að und­an­förnu hafði verið talað um það í stjórn­kerf­inu að til þessa gæti komið,“ skrif­ar Sig­mund­ur og bæt­ir við:

„Þar var ástæðan tal­in sú að Úlfar hefði verið of hrein­skil­inn um stöðuna í út­lend­inga­mál­um og skipu­lagðri glæp­a­starf­semi og sjálf­ur ákveðið að gera ráðstaf­an­ir til að verja landa­mær­in.
Þótt þetta hafi allt verið nauðsyn­legt, inn­an vald­heim­ilda og til þess fallið að stíga inn í tóma­rúmið sem stjórn­völd skildu eft­ir gerði fram­taks­sem­in hann að skot­spón.“

Úlfar sagði í sam­tali við mbl.is fyrr í dag að það hefði komið hon­um í opna skjöldu að ráðherr­ann hygðist aug­lýsa stöðu hans.

Af­leit skila­boð til lög­regl­unn­ar

„Brott­vikn­ing Úlfars fel­ur í sér af­leit skila­boð til lög­regl­unn­ar og bend­ir til þess að stjórn­völd leggi meira upp úr því að fela vand­ann en að taka á hon­um,“ skrif­ar Sig­mund­ur.

Mar­grét Krist­ín Páls­dótt­ir, aðstoðarlög­reglu­stjóri hjá lög­regl­unni á höfuðborg­ar­svæðinu, hef­ur verið sett tíma­bundið í embætti lög­reglu­stjór­ans á Suður­nesj­um.

Frétt af mbl.is

Mar­grét tíma­bund­inn lög­reglu­stjóri

• 1 blogg um frétt­ina

Bloggað um frétt­ina

• Jó­hann Elías­son: ÞÁ ER BÚIÐ AÐ UPPLÝSA ÁSTÆÐUNA FYR­IR "AÐGERÐARLEYSI" DÓMSMÁLARÁÐHERRA Í …