Bergþór Ólason þingmaður Miðflokks­ins seg­ir þing­menn meiri­hlut­ans sýna virðing­ar­leysi gagn­vart hefðum og venj­um í þing­inu.

Þetta sagði Bergþór í ræðustól á Alþingi í dag í kjöl­far þess að Sig­mar Guðmunds­son þingmaður Viðreisn­ar og Ása Berg­lind Hjálm­ars­dótt­ir þingmaður Sam­fylk­ing­ar gerðu ræðu Karls Gauta Hjalta­son­ar, þing­manns Miðflokks­ins, frá því í síðustu viku í störf­um þings­ins, að umræðuefni sínu á þing­inu í dag.

„Tala fyr­ir friði og selja fisk“

Þor­gerður Katrín Gunn­ars­dótt­ir ut­an­rík­is­ráðherra gaf frá sér sam­eig­in­lega yf­ir­lýs­ingu ásamt ut­an­rík­is­ráðherr­um fimm annarra ríkja fyr­ir tæpri viku síðan þar sem kallað var eft­ir því að ísra­elsk stjórn­völd hverfi frá áform­um sín­um um að víkka út hernaðaraðgerðir sín­ar á Gasa­strönd­inni og hafa þar var­an­lega viðveru.

Karl Gauti gerði yf­ir­lýs­ing­una að um­tals­efni í sein­ustu viku á þing­inu þar sem hann sagði meðal ann­ars að Þor­gerður Katrín verði að gera sér grein fyr­ir að hún sé ut­an­rík­is­ráðherra lít­ill­ar smáþjóðar sem hef­ur það hlut­skipti að „tala fyr­ir friði og selja fisk.“

Karl Gauti Hjalta­son og ræða hans varð að um­tals­efni á Alþingi í dag. mbl.is/​Eggert Jó­hann­es­son

Sig­mar og Ása Berg­lind gerðu ræðu Karls Gauta að umræðuefni í störf­um þings­ins í dag. Sig­mar sagði að með yf­ir­lýs­ingu sinni hafi Þor­gerður Katrín talað fyr­ir friði og Ása Berg­lind spurði meðal ann­ars hversu mörg börn þyrftu að láta lífið áður en Karli Gauta og Miðflokkn­um þætti við hæfi að beita sér fyr­ir því að „Ísra­el hætti að murka lífið úr sak­lausu fólki.“

Bað for­seta að taka stjórn­ar­liða á skóla­bekk

Bergþór sagði eins og áður seg­ir að hon­um þættu þing­menn meiri­hlut­ans með þessu vera að sýna hefðum og venj­um í þing­inu virðing­ar­leysi.

„Það er venj­an að það sé látið vita af því áður en þing­menn ætla sér að veit­ast að öðrum þing­manni í ræðu sinni,“ sagði Bergþór í ræðu sinni.

Hægt er að sögn Bergþórs að rétt­læta reynslu­leysi þing­manna í ein­hvern tíma en á end­an­um verða þeir sem reynsl­una hafa að leiðbeina þeim sem hafa hana ekki. Hann bað svo for­seta þings­ins um að taka þing­menn meiri­hlut­ans á skóla­bekk og tukta þá aðeins til.

Þess má geta að Ása Berg­lind sagði seinna á þing­fund­in­um að henni hafi ekki verið kunn­ugt um að það tíðkaðist að láta þing­menn vita áður en vitnað væri í orð þeirra. Henni þætti leitt að hafa ekki gert það, en hún stæði þó við orð sín.

Tengd­ar frétt­ir

Alþingi

Ófyr­ir­séð hvenær veiðigjöld af­greiðast úr nefnd

• Ýjar að þing­störf­um fram í ág­úst
• Tala fyr­ir dauf­um eyr­um nefnd­ar­inn­ar
• „Eng­in for­gangs­röðun og ekk­ert plan“
• Bryn­dís lík­leg ræðudrottn­ing

» Fleiri tengd­ar frétt­ir

• Blogga um frétt