Breti hyggst synda hringinn í kringum Ísland

Ross Ed­gley, 39 ára sund­kappi frá Bretlandi, hyggst synda 1.600 km hring­inn í kring­um Ísland. Mik­ill und­ir­bún­ing­ur hef­ur farið í verk­efnið og legg­ur hann af stað á föstu­dag. Áætlað er að sundið gæti tekið allt frá þrem­ur mánuðum til fimm. 

Ed­gley hef­ur stundað sund frá unga aldri og spilaði einnig lengi vel vatns­knatt­leik. Hann seg­ist þó hafa gert sér grein fyr­ir því snemma að hann hefði ekki hæðina í þá íþrótt og fært sig í kjöl­farið yfir í sjó­sund.

„Þar skipt­ir hæðin ekki eins miklu máli held­ur frek­ar hversu þrjósk­ur og ákveðinn þú ert,“ seg­ir hann í sam­tali við blaðamann mbl.is.

Góður und­ir­bún­ing­ur er nauðsyn­leg­ur

Und­an­farna mánuði hef­ur Ed­gley staðið í ströngu við und­ir­bún­ing sunds­ins með sér­stöku mataræði og þjálf­un­ar­plani. Á hverj­um degi inn­byrðir hann í kring­um 10.000 kal­orí­ur ásamt því að synda í allt að 12 tíma á dag. Ed­gley hef­ur þyngst um tæp 15 kíló frá því að und­ir­bún­ing­ur hófst og seg­ir hann mark­miðið vera að ná að þyngj­ast sem mest en á sama tíma halda sér í góðu formi.

Síðustu mánuði hef­ur hann verið við æf­ing­ar í Skotlandi og í fe­brú­ar kom hann hingað til lands­ins og synti við Vest­f­irði.

„Ég kom hingað í fe­brú­ar og byrjaði að æfa þá. Þá var vet­ur og það var ótrú­lega kalt en ég fékk að sjá norður­ljós­in og það var æðis­legt,“ seg­ir Ed­gley glaður í bragði.

Ross er mjög spennt­ur að hefja sundið. mbl.is/​Eyþór

Erfiðasta áskor­un­in hingað til

Ed­gley hef­ur áður tekið að sér erfið verk­efni í sund­inu eins og þegar hann synti hring­inn í kring­um Stóra-Bret­land árið 2018. Sundið í kring­um Ísland seg­ir hann þó vera erfiðasta áskor­un­ina hingað til.

Verk­efnið gæti tekið allt frá þrem mánuðum til fimm en Ed­gley seg­ir að það sé allt í hönd­um veðurguðanna.

„Það gæti komið storm­ur, mik­ill öldu­gang­ur eða vind­ur og þá kemst maður ein­fald­lega ekki áfram svo ég þarf bara að vona að það verði gott veður“.

Dag­skrá­in svipuð alla daga

Hvernig lít­ur týpísk­ur dag­ur út í ferðinni?

„Maður synd­ir með öld­un­um í sex tíma og svo breyt­ist átt­in á þeim og þá fer maður í bát­inn til að borða og sofa. Síðan breyt­ist átt­in aft­ur og þá þarf maður að stökkva ofan í, sama hvort klukk­an sé tvö um nótt eða tvö um dag, maður þarf að synda þegar öld­urn­ar eru að vinna með manni. Þetta eru í raun tvö sex tíma sund á dag.“

Á bátn­um verða all­ar nauðsynj­ar sem Ed­gley mun þurfa ásamt átta manna áhöfn.

Hann seg­ir mark­miðið vera að sigla eins mikið og hægt er til að hafa sem minnst nei­kvæð áhrif á um­hverfið, þess vegna sé mik­il­vægt að það séu svona marg­ir að vinna á bátn­um til þess að geta skipst á.

Ræddi mál­in við Chris Hemsworth

Hvenær ákvaðst þú að þú vild­ir láta reyna á þetta?

„Það er ár síðan ég ákvað að keyra á þetta og byrja æf­ing­ar en það eru rúm fimm ár síðan ég fékk hug­mynd­ina. Eft­ir sundið í kring­um Stóra-Bret­land fór ég að skoða landa­kort til að ákveða næsta stað. Þá fór ég að ræða þetta við vin minn, Chris Hemsworth, sem leik­ur þrumuguðinn Þór í Mar­vel-mynd­un­um og talið barst að nor­rænu þjóðsög­un­um sem ég er virki­lega hrif­inn af. Þá sagði Chris að þetta væri það næsta sem ég kæm­ist að Ásgarði og ég heillaðist strax af þessu.“

Ross við æf­ing­ar á Álfta­nesi í gær,. mbl.is/​Eyþór

 Nýta sundið til rann­sókna

Há­skóli Íslands og Haf­rann­sókna­stofn­un höfðu sam­band við Ed­gley og mun hann nýta ferðina til þess að safna líf­sýn­um úr sjón­um (eDNA) á leiðinni. Mark­miðið með því sé að ná að skoða líf­fræðileg­an fjöl­breyti­leika í kring­um landið.

Aðspurður hvort hann hræðist ekki dýra­lífið við strend­ur Íslands seg­ist hann ekki gera það.

„Ég er að vona að ég nái að sjá bæði Græn­lands­há­karl og bein­há­karl sem eru þekkt­ir fyr­ir að vera vina­leg­ir. Síðan þegar ég kom hingað í fe­brú­ar hitti ég á seli sem syntu með mér og tóku mig að sér. Ég er að vona að ég hitti þá aft­ur.“

Sýn­ir frá ferðinni á sam­fé­lags­miðlum

Á bátn­um verður mynda­tökumaður sem tek­ur upp mynd­skeið sem birt verða á Youtu­be alla sunnu­daga. Þá mun hann einnig vera virk­ur á Tikt­ok og In­sta­gram yfir ferðina.

Ed­gley seg­ir mik­il­vægt að vera virk­ur á sam­fé­lags­miðlum því að mark­mið ferðar­inn­ar sé líka að kynn­ast fólk­inu og menn­ing­unni á Íslandi og að með því móti veki þeir at­hygli á sér og eigi auðveld­ara með að tengj­ast fólki hvaðanæva að.

Hægt er að nálg­ast hann á sam­fé­lags­miðlum und­ir not­and­a­nafn­inu Ross Ed­gley.

mbl.is/​Eyþór

Seg­ir Íslend­inga hafa tekið vel á móti sér

Ed­gley seg­ist afar þakk­lát­ur Íslend­ing­um fyr­ir mót­tök­urn­ar sem hann hef­ur fengið frá því að hann kom til lands­ins.

„Ég veit að ég er skrýt­inn Breti sem kom hingað í þeim til­gangi að synda í kring­um landið ykk­ar en all­ir hafa tekið svo vel á móti mér. Þetta eru for­rétt­indi og ég er afar þakk­lát­ur.“

Eins og fram hef­ur komið hefst sundið á föstu­dag og verður hægt að fylgj­ast með staðsetn­ingu kapp­ans meðan á því stend­ur hér.  

• Blogga um frétt