Íbúar í Gríms­ey fundu vel fyr­ir öfl­ug­um skjálfta sem reið yfir snemma í morg­un. Þeir virðast þó ekki kippa sér mikið upp við skjálft­ann, enda í raun kannski orðnir skjálft­um van­ir á eyj­unni.

mbl.is sló á þráðinn til nokk­urra íbúa í kjöl­far skjálft­ans til að sjá hvernig þeim líst á blik­una. 

Frétt af mbl.is

Ann­ar öfl­ug­ur skjálfti nærri Gríms­ey – 5 að stærð

„Þetta er bara smotte­rí“

Anna María Sig­valda­dótt­ir seg­ist hafa hrokkið upp í morg­un er skjálft­inn reið yfir.

„Við heyr­um meira bara svona drun­ur og svo kem­ur svona pínu skell­ur. Það er alla­vega okk­ar upp­lif­un í þessu húsi. En svo er þetta auðvitað mis­jafnt á milli húsa,“ seg­ir hún í sam­tali við mbl.is.

Það hafa ekki fylgt þessu nein­ar skemmd­ir eða slíkt?

„Nei, nei. Þetta er bara smotte­rí.“

Þið eruð kannski orðin vön þessu?

„Já, sum­ir eru auðvitað smeyk­ir við þetta, sem er bara eðli­legt. En eins og ég segi, ég bara vaknaði og svo fór ég aft­ur að sofa nokkr­um mín­út­um seinna,“ seg­ir Anna María og bæt­ir við:

„Ég er með hund hérna og hann vaknaði ekki einu sinni við þetta.“

Frétt af mbl.is

Stór jarðskjálfti nærri Gríms­ey

Ekk­ert miðað við ofsa­veðrin sem stund­um herja á eyj­una

Ná­granni Önnu Maríu, Ragn­hild­ur Hjalta­dótt­ir, hef­ur svipaða sögu að segja. Hún hafi meira orðið var við drunu í húsi sínu frek­ar en hrist­ing. Hún hafi svo ekki fundið fyr­ir nein­um eft­ir­skjálft­um.

„Þetta rask­ar ekki ró okk­ar. Auðvitað væri maður til í að sleppa þessu en þetta er ekk­ert sem veld­ur manni and­vöku.“

Þá nefn­ir hún að skjálft­ar sem finn­ist af og til á eyj­unni séu ekk­ert miðað við ofsa­veðrin sem herji á eyj­una af og til.

„Mér finnst þess­ir skjálft­ar vera bara lítið miðað við rok og brjáluð veður.“

„Maður er ýmsu van­ur“

Þor­gerður Guðrún Ein­ars­dótt­ir sat á kaffistöðu vinnustaðar síns er mbl.is náði af henni tali og var þar skjálfti morg­uns­ins ein­mitt til umræðu á meðal koll­ega. 

„Við vöknuðum alla­vega öll við hann. Hann var svona ansi sterk­ur. Ég vaknaði reynd­ar líka við skjálft­ann í fyrrinótt en þessi virkaði dá­lítið lengri og stærri.“

Veld­ur þetta ein­hverj­um ugg þegar þetta fer svona í gang?

„Nei, veistu, ég er af­skap­lega ró­leg. Ég er nú búin að búa hérna allt mitt líf og er orðin 66 ára göm­ul þannig að maður er ýmsu van­ur,“ seg­ir Þor­gerður og bæt­ir við:

„Við erum öll poll­ró­leg. Það er ekk­ert vanda­mál hér.“

Þolir ekki jarðskjálfta en er ró­leg­ur

Gylfi Gunn­ars­son var glaðvak­andi og mætt­ur til vinnu er skjálft­inn varð í morg­un. Sjálf­ur seg­ist hann fræg­ur á eyj­unni fyr­ir óþol sitt í garð jarðskjálfta.

„Ég finn fyr­ir öll­um jarðskjálft­um. Mér finnst þetta djöf­uls­ins óhugnaður,“ seg­ir Gylfi og nefn­ir jafn­framt að skjálft­arn­ir venj­ist aldrei.

Eru bún­ir að vera ein­hverj­ir eft­ir­skjálft­ar?

„Jú, jú, bara eitt­hvað svona smá hel­vít­is klór. Ekki neitt þannig.“

Og það eru all­ir svona frek­ar ró­leg­ir yfir þessu heyr­ist mér.

„Já, já. Ef ég er ró­leg­ur þá er það pottþétt að hinir eru ró­leg­ir.“

Tengd­ar frétt­ir

Jarðskjálfta­hrina við Gríms­ey

Dregið úr virkni og stærð skjálfta við Gríms­ey

• Dregið hef­ur úr skjálfta­virkn­inni við Gríms­ey
• Um 1.700 skjálft­ar hafa mælst
• Enn skelf­ur Gríms­ey
• Þver­brota­belti leng­ir skjálfta við Gríms­ey

» Fleiri tengd­ar frétt­ir

• Blogga um frétt