Ráðuneytið greitt 700 milljónir í styrki

At­vinnu­vegaráðuneytið hef­ur greitt 700 millj­ón­ir króna styrki til bænda til að mæta að hluta þeim áföll­um sem urðu í land­búnaði vegna óvenju­legs og erfiðs tíðarfars á land­inu sum­arið 2024.

Um er að ræða sér­tæka ein­skiptisaðgerð sem samþykkt var af rík­is­stjórn­inni 4. apríl 2025 að því er seg­ir í til­kynn­ingu frá at­vinnu­vegaráðuneyt­inu.

Frétt af mbl.is

Fá 725 millj­óna króna stuðning

Heild­ar­styrk­ir nema rúmri 701 millj­ón króna og skipt­ast í tvo flokka:

• 195 millj­ón­ir króna koma frá at­vinnu­vegaráðuneyt­inu til 261 bænda sem urðu fyr­ir afurða- og gripa­tjóni.
• 506 millj­ón­ir króna koma frá Bjargráðasjóði og fara til 141 bænda sem urðu fyr­ir tjóni á heyi og upp­skeru.

Fram kem­ur að styrk­veit­ing­ar byggi á skrán­ing­um bænda í skýrslu­haldi á upp­skeru, afurðum og van­höld­um gripa árið 2024 sam­an­borið við meðaltal ár­anna 2021-23. Þær mæti tjón­inu að hluta en tekið er fram að það hafi verið áætlað tæp­ar 1.200 millj­ón­ir í heild hjá þeim 375 búum sem skráðu tjón fyr­ir 1. nóv­em­ber 2024.

„Til að gera viðbrögð skil­virk­ari og mark­viss­ari er einnig gert ráð fyr­ir að framtíðarfyr­ir­komu­lag sjóða sem bæta nátt­úru­vá verði end­ur­skoðað, þ.m.t. sam­legðar og hagræðing­ar­tæki­færi. Að auki verður áfram unnið að stefnu­mót­un um nátt­úru­vá, sbr. skýrslu um­hverf­is- og auðlindaráðuneyt­is frá apríl 2023,“ seg­ir í til­kynn­ing­unni. 

Frétt af mbl.is

Seg­ir styrk­ina hafa skilað sér seint og illa

• Blogga um frétt