Skor fær ekki að hafa opið lengur

Pílu- og veit­ingastaður­inn Skor í miðbæ Reykja­vík­ur fær ekki heim­ild til þess að lengja opn­un­ar­tíma sinn.

Úrsk­urðar­nefnd um­hverf­is- og auðlinda­mála hafnaði því að fella úr gildi ákvörðun Heil­brigðis­eft­ir­lits Reykja­vík­ur um að synja staðnum um lengri opn­un­ar­tíma. 

Staður­inn hef­ur nú heim­ild til þess að hafa opið til 22:00 sunnu­daga til fimmtu­daga og til 23:00 á föstu­dög­um og laug­ar­dög­um. Í um­sókn staðar­ins var farið fram á leyfi til þess að hafa opið til 23:00 á virk­um dög­um og til 01:00 um helg­ar. Eins og áður seg­ir var því hafnað og hef­ur úr­sk­urðar­nefnd­in staðfest þá ákvörðun. 

Ítrekaðar hávaðakvart­an­ir

Frá því að staður­inn opnaði árið 2021 hafa yf­ir­völd­um ít­rekað borist kvart­an­ir frá íbú­um í hús­næðinu þar sem staður­inn er rek­inn.

Frétt af mbl.is

Íbúar kvarta ít­rekað yfir skemmti­staðnum Skor

Ástæða þess er að hávaði frá staðnum er mik­ill og hafa mæl­ing­ar heil­brigðis­eft­ir­lits­ins sýnt fram á að hann sé yfir vel­sæm­is­mörk­um. 

Rekst­ar­araðilar Skor hafa þó borið það fyr­ir sig að hljóðmæl­ing­ar heil­brigðis­eft­ir­lits­ins hafi ekki verið í sam­ræmi við alþjóðlega viður­kennda staðla. Úrsk­urðar­nefnd­in taldi sig þó ekki bæra til þess að ógilda slík­ar mæl­ing­ar.

Gæti neyðst til að loka

Bragi Ægis­son, fram­kvæmda­stjóri 0101 ehf. sem er rekst­araðili Skor, seg­ir í sam­tali við mbl.is að niðurstaðan komi sér ekki á óvart. 

Hann seg­ir að þrátt fyr­ir að staður­inn sé oft­ast full­ur af viðskipta­vin­um þá sé það afar íþyngj­andi að geta ekki haft opið leng­ur. Hann seg­ist ekki geta úti­lokað það að hann neyðist til þess að loka staðnum eða færa hann yfir á nýj­an stað.

„Við get­um þó líka ein­fald­lega bara sótt um leyfi að nýju, úr­sk­urður­inn bar þess merki að þar voru ákveðnar ávít­ur á heil­brigðis­eft­ir­litið og fram­kvæmd þeirra þrátt fyr­ir að ekki væri til­efni til þess að ógilda ákvörðun­ina,“ seg­ir Bragi að lok­um en hann tel­ur að bar­átt­unni sé ekki lokið. 

Hægt er að nálg­ast úr­sk­urðinn hér.

• Blogga um frétt