Auk­in fram­lög til varn­ar­mála, áfram­hald­andi stuðning­ur við varn­ar­bar­áttu Úkraínu og und­ir­bún­ing­ur fyr­ir leiðtoga­fund Atlants­hafs­banda­lags­ins var meðal þess sem rætt var um á óform­leg­um fundi ut­an­rík­is­ráðherra NATO-ríkja sem lauk fyrr í dag í Tyrklandi. Þá voru mál­efni Mið-Aust­ur­landa og staðan á Gaza sömu­leiðis til umræðu.

Fund­ur ráðherr­anna var hald­inn á sama tíma og fyrstu friðarum­leit­an­ir milli sendi­nefnda Rúss­lands og Úkraínu fóru fram, og settu þær því óneit­an­lega mark sitt á fund­inn.

Þor­gerður Katrín Gunn­ars­dótt­ir ut­an­rík­is­ráðherra sótti fund­inn fyr­ir Íslands­hönd en í yf­ir­lýs­ingu frá ut­an­rík­is­ráðuneyt­inu er haft eft­ir henni að góð samstaða og sam­heldni hafi ein­kennt fund­inn. Þá seg­ir Þor­gerður einnig að til standi nú að auka veru­lega fram­lög til varn­ar­mála og stuðning við Úkraínu, auk þess sem nú sé í mót­un ný ör­ygg­is- og varn­ar­stefna fyr­ir Ísland inn­an ut­an­rík­is­ráðuneyt­is­ins.

Eru yf­ir­lýs­ing­ar Þor­gerðar því í takt við það sem vænta má að rætt verði á næsta leiðtoga­fundi Atlants­hafs­banda­lags­ins sem fer fram í Haag í Hollandi dag­ana 24.-25. júní nk. en þar er viðbúið að samþykkt verði ný viðmið um stór­auk­in fram­lög banda­lagsþjóða til varn­ar­mála.

Tengd­ar frétt­ir

Varn­ar­mál Íslands

Beint: Stór­auk­in tog­streita á Norður­slóðum

• Íhuga að verja 1,5% lands­fram­leiðslu í varn­ar­mál
• Tékk­neski flug­her­inn kem­ur á morg­un
• Yf­ir­hers­höfðingi NATO á Íslandi
• Ræddu aukið sam­starf á sviði varn­ar­mála

» Fleiri tengd­ar frétt­ir

• Blogga um frétt