Jarðskjálfti yfir 4 að stærð reið yfir í grennd við Gríms­ey skömmu fyr­ir miðnætti. Skjálft­inn mæl­ist um 4,3 til 4,4 að stærð að sögn nátt­úru­vár­sér­fræðings á Veður­stofu Íslands en þegar þetta er ritað hef­ur skjálft­inn ekki verið yf­ir­far­inn.

Gera má ráð fyr­ir að íbú­ar í Gríms­ey hafi fundið vel fyr­ir skjálft­an­um, og einnig íbú­ar í byggðum á Norðaust­ur­landi.

Eft­ir­skjálft­ar hafa mælst í kjöl­farið.

Hrina sem hófst með hvelli

Kröft­ug jarðskjálfta­hrina stend­ur yfir við Gríms­ey og er þetta þriðji skjálft­inn sem mæl­ist vel yfir 4 að stærð frá því hrin­an hófst með hvelli aðfaranótt þriðju­dags. 

Gríms­ey ligg­ur á þver­brota­belti og eru jarðskjálft­ar al­geng­ir á svæðinu. Þar hafa orðið skjálft­ar yfir sex að stærð. 

Virkn­in er að mestu bund­in við svæði rétt aust­an við Gríms­ey og á skjálfta­korti Veður­stof­unn­ar má sjá þyrp­ing­una vel. 

Kortið sýn­ir skjálfta sem orðið hafa úti fyr­ir Norður­landi und­an­farna 9 daga. Kort/​Veður­stofa Íslands

Kviku­hreyf­ing­ar ekki úti­lokaðar

Þor­vald­ur Þórðar­son, pró­fess­or í eld­fjalla­fræði, sagði við mbl.is á þriðju­dag að ekki væri hægt að úti­loka kviku­hreyf­ing­ar á þessu svæði.

„Það er ekki bara lá­rétt hreyf­ing í öf­uga átt hvoru sínu meg­in við brotið held­ur er líka smá gliðnun tengd þessu af því að leg­an á brota­belt­inu er und­ir horni miðað við rekstefn­una.

Þá renn­ur þetta hvert sam­hliða öðru en tog­ast líka aðeins í sund­ur. Þetta ger­ist á Reykja­nes­inu og þetta ger­ist líka á Tjör­nes­brota­belt­inu.

Við þess­ar aðstæður get­ur kvika alltaf farið á hreyf­ingu því þá reyn­ir hún að fylla inn í þær sprung­ur og göt sem hafa opn­ast. Þannig að við get­um aldrei úti­lokað kviku­hreyf­ing­arn­ar,“ sagði Þor­vald­ur.

Kortið sýn­ir jarðskjálfta­virkni síðustu sjö daga í kring­um Gríms­ey. Nokk­ur fjöldi skjálfta yfir 3 að stærð hafa riðið yfir, og þar af hafa nokkr­ir verið yfir 4 að stærð. Sá stærsti mæld­ist 5 að stærð. Kort/​Map.is

„Djöf­uls­ins óhugnaður“

Íbúar í Gríms­ey sem mbl.is ræddi við eft­ir stór­an skjálfta á miðviku­dags­morg­un sögðu að auðvitað væru ein­hverj­ir íbú­ar smeyk­ir við jarðskjálfta­hrin­una. Þeir vöknuðu marg­ir hverj­ir við skjálft­ann og lýsa því hvernig þeir urðu var­ir við drun­ur í hús­um sín­um. 

„Ég finn fyr­ir öll­um jarðskjálft­um. Mér finnst þetta djöf­uls­ins óhugnaður,“ sagði Gylfi Gunn­ars­son í sam­tali við mbl.is.

Tengd­ar frétt­ir

Jarðskjálfta­hrina við Gríms­ey

Dregið úr virkni og stærð skjálfta við Gríms­ey

• Dregið hef­ur úr skjálfta­virkn­inni við Gríms­ey
• Um 1.700 skjálft­ar hafa mælst
• Þver­brota­belti leng­ir skjálfta við Gríms­ey
• Gríms­ey­ing­ar poll­ró­leg­ir

» Fleiri tengd­ar frétt­ir

• Blogga um frétt