Gömlu höfuðstöðvarnar auglýstar til sölu

Lands­bank­inn hef­ur aug­lýst gömlu höfuðstöðvar bank­ans í Aust­ur­stræti og Hafn­ar­stræti til sölu. Er heild­ar­stærð hús­anna tæp­lega 6.000 fer­metr­ar með kjall­ara og verða hús­in seld í einu lagi.

Um er að ræða hús­in Aust­ur­stræti 11 og Hafn­ar­stræti 10, 12 og 14. Er heild­ar­stærð þeirra 5.836 fer­metr­ar, en þar af eru 1.380 fer­metr­ar í kjall­ara.

Aust­ur­stræti 11 var upp­haf­lega reist árið 1898, en end­ur­byggt og stækkað árið 1924 eft­ir teikn­ing­um Guðjóns Samú­els­son­ar, en hann teiknaði jafn­framt all­ar inn­rétt­ing­ar. Viðbygg­ing við húsið var svo tek­in í notk­un árið 1940. Húsið var friðað árið 1991 og nær sú friðun til ytra byrði húss­ins, veggl­ista­verka og inn­rétt­inga sem voru gerðar árið 1924.

Frétt af mbl.is

Bank­inn kveður Aust­ur­stræti

Í hús­inu er meðal ann­ars að finna fresk­ur eft­ir Jó­hann­es S. Kjar­val og Jón Stef­áns­son. Er sú eft­ir Jón í stóra saln­um á jarðhæðinni og ger­ir þar land­búnaði þess tíma góð skil. Þegar farið er upp á efri hæð er svo að finna fresk­una eft­ir Jó­hann­es Kjar­val, en hún vís­ar til sjáv­ar­út­vegs­ins.

Lands­banka­húsið við Aust­ur­stræti á síðustu öld. Ljós­mynd/​Pét­ur Thomsen

Hafn­ar­stræti 10-12 var áður kallað Ed­in­borg­ar­húsið og var byggt árið 1923 eft­ir upp­drátt­um Ein­ars Er­lends­son­ar. Var það upp­haf­lega þrjár hæðir, en fjórðu hæðinni var síðar bætt ofan á. Hafn­ar­stræti 14 var hins veg­ar reist árið 1970 og teng­ist jarðhæðin þar við af­greiðslu­sal­inn í Aust­ur­stræti 11, þar sem fyrr­nefnd freska Jóns er.

Frétt af mbl.is

Ljúka 99 ára sam­felldri sögu í Aust­ur­stræti

Í til­kynn­ingu bank­ans seg­ir að ís­lenska ríkið hafi upp­haf­lega lýst áhuga sín­um yfir að kaupa Aust­ur­stræti 11, en nú sé ljóst að ekki verði af kaup­un­um. Því sé eign­in í heild aug­lýst til sölu.

Bank­inn flutti starf­semi sína árið 2023 úr alls 12 hús­um við Aust­ur­stræti, Hafn­ar­stræti og Tryggvagötu yfir í nýtt hús bank­ans við Reykja­stræti 6.

Óskar bank­inn eft­ir til­boðum, en ekki er gefið upp ásett verð.

Lands­bank­inn flutti árið 2023 höfuðstöðvar sín­ar yfir í Reykja­stræti 6. mbl.is/Á​rni Sæ­berg

• Blogga um frétt