„Þetta er vissulega há upphæð“

„Ég var upp­lýst um þetta á síðasta fundi skóla- og frí­stundaráðs. Póli­tík­in tek­ur ekki ákvörðun um þetta, held­ur mannauðssvið og sviðsstjóri, en við erum eft­ir­litsaðilar. En þetta er vissu­lega há upp­hæð,“ seg­ir Helga Þórðardótt­ir, formaður skóla- og frí­stundaráðs Reykja­vík­ur­borg­ar, í sam­tali við Morg­un­blaðið.

Leitað var viðbragða henn­ar við þeim tíðind­um að borg­in hefði á tæp­um níu árum greitt um 320 millj­ón­ir til skóla­stjórn­enda sem létu af störf­um á tíma­bil­inu á grund­velli starfs­loka­samn­inga.

Helga seg­ist fyrst hafa komið að mál­um sviðsins í fe­brú­ar sl. og frétt­irn­ar séu þar af leiðandi nýj­ar fyr­ir henni. „Ég veit ekki for­sögu þess­ara mála,“ seg­ir hún.