Veiðigjöldin strax farin að hægja á

Þrátt fyr­ir að langt sé í að frum­varp um hækk­un veiðigjalda verði að lög­um er áhrifa þess þegar farið að gæta hjá iðnfyr­ir­tækj­um, seg­ir Sig­urður Hann­es­son hjá Sam­tök­um iðnaðar­ins. Fyr­ir­tæki í sjáv­ar­út­vegi haldi að sér hönd­um, þau fresti fjár­frek­um áform­um og vilji bíða og sjá.

Þetta kem­ur fram í viðtali Dag­mála við Sig­urð, sem birt er í dag. Viðtalið er opið öll­um áskrif­end­um. 

„Áhrif [frum­varps­ins] á iðnaðinn eru far­in að koma fram, m.a. í því að pant­an­ir á búnaði og öðru hafa verið sett­ar á ís. Þeim hef­ur verið frestað vegna óvissu,“ seg­ir Sig­urður.

„Iðnfyr­ir­tæki víða um land, sem reiða sína af­komu mjög á viðskipti við sjáv­ar­út­veg­inn, þau eru  ugg­andi,“ bæt­ir hann við.

„Þau hafa nátt­úr­lega fundið fyr­ir sam­drætti á und­an­förn­um árum, til dæm­is þegar það hef­ur orðið loðnu­brest­ur, þannig að þau staldra við í þess­um óvissuaðstæðum og ótt­ast um sinn hag á næst­unni.“

Sam­keppn­is­hæfn­in áhyggju­efni

Sig­urður seg­ir að stjórn­völd hafi vissu­lega gert ým­is­legt til þess að draga úr óvissu. Hann nefn­ir til dæm­is að Sam­tök iðnaðar­ins séu ánægð með hags­muna­gæslu stjórn­valda í tolla­mál­um gagn­vart Evr­ópu­sam­band­inu.

Hins veg­ar þurfi bet­ur að gæta að sam­keppn­is­hæfni at­vinnu­lífs á þess­um óvissu­tím­um og veiðigjöld­in séu dæmi um hvernig úr henni geti dregið víðar en í viðkom­andi grein fyr­ir vikið. Svipað kunni að ger­ast með auk­inni skattt­heimtu af ferðaþjón­ustu.

„Það blas­ir við að það fara all­ir að máta sig við þetta,“ seg­ir Sig­urður um viðbrögð ann­ara greina við auk­inni skatt­heimtu af at­vinnu­lífi og hvort þær séu þá næst­ar í röðinni.

„Við þurf­um að sjá meira sam­tal við stjórn­völd um það hvað framtíðin kann að bera í skauti sér. Það er sterkt ákall um fyr­ir­sjá­an­leika. Það er ekki hægt að fara í mjög viðamikl­ar breyt­ing­ar með skömm­um fyr­ir­vara,“ seg­ir hann og tel­ur að þar hafi mögu­leg áhrif þeirra ekki verið met­in sem skyldi.

„Í um­sögn okk­ar um veiðigjöld­in kölluðum við til dæm­is sér­stak­lega eft­ir því að það yrði greint hvaða áhrif þetta hefði á iðnaðinn. Við sökn­um þess að sjá ekki meiri umræðu um það.“

Viðtalið við Sig­urð má horfa á í heild sinni hér:

At­hafna­líf og efna­hags­horf­ur

• Blogga um frétt