Hild­ur Sverr­is­dótt­ir, þing­flokks­formaður Sjálf­stæðis­flokks­ins, hyggst leggja fram þings­álykt­un­ar­til­lögu þess efn­is að há­marks­tími verði set­ur á það hversu lengi fólk megi sæta rann­sókn yf­ir­valda.

Þetta upp­lýsti Hild­ur um í síðasta þætti Spurs­mála en orðaskipt­in um það má sjá og heyra í spil­ar­an­um hér að ofan.

Látn­ir hanga í meira en ára­tug

Bend­ir hún á að út frá reynsl­unni af eft­ir­leik banka­hruns­ins 2008 megi sjá að ein­stak­ling­ar hafi sætt rann­sókn­um og haft stöðu grunaðra í um­fangs­mikl­um saka­mál­um svo árum skipti og jafn­vel leng­ur en ára­tug. Í ein­hverj­um til­vik­um var sú staða uppi, jafn­vel þótt ekk­ert þokaðist í rann­sókn mál­anna.

Frétt af mbl.is

Marg­ir þing­menn með rang­hug­mynd­ir

Bend­ir Hild­ur á að þetta sé um íþyngj­andi fyr­ir fólk sem fyr­ir því verður og að setja verði rann­sak­end­um, lög­reglu og sak­sókn­ur­um skorður í þessu efni.

Lengi á teikni­borðinu

Seg­ir Hild­ur að hún hafi verið með þings­álykt­un­ar­til­lögu þessa efn­is í smíðum um all­langt skeið, og að hún hafi haft hana á teikni­borðinu löngu áður en hið mikla hler­un­ar- og gagnaleka­mál kom upp á vett­vangi sér­staks sak­sókn­ara.

Það mál hef­ur vakið mikið um­tal og umræðu um rétt borg­ar­anna gagn­vart lög­reglu­yf­ir­völd­um. Í þess­um mál­um hef­ur meðal ann­ars komið fram að ein­stak­ling­ar, sem aldrei höfðu rétt­ar­stöðu sak­born­inga voru hleraðir og máttu sæta því að upp­tök­ur af einka­sam­töl­um þeirra færu manna á mill­um og voru jafn­vel spilaðar í yf­ir­heyrsl­um yfir öðrum ein­stak­ling­um sem sann­ar­lega höfðu stöðu sak­born­inga í stór­um saka­mál­um.

Viðtalið við Hildi má sjá og heyra í heild sinni hér að neðan en ásamt henni í þætt­in­um var Sig­ríður Á. And­er­sen, þingmaður Miðflokks­ins:

Tengd­ar frétt­ir

Spurs­mál

Ráðherra rek­ur út úr sér tung­una

• Allt í hers hönd­um við Aust­ur­völl
• Tók sér Reykja­vík alla „fyr­ir fæt­ur“
• Sig­mar, Áslaug Arna og Sw­in­gers-klúbbur­inn í New York
• Guðrún tek­ur til í Val­höll: „Nú ætla ég að vera frek“

» Fleiri tengd­ar frétt­ir

• Blogga um frétt