Vilja gamaldags hús í gamla bænum

Þverfag­leg­ur hóp­ur legg­ur til að byggð verði hús í göml­um stíl. Teikn­ing/​En­va­lys

Á næst að byggja á Aust­ur­velli?

„Skipu­lagið sem Reykja­vík­ur­borg lét gera er í sama anda og við sjá­um um alla borg, sem er 3-5 hæða kass­ar á djúp­um bygg­ing­ar­reit­um, dimm­um íbúðum og flötu þaki. Þetta er það sama og við sjá­um á Hlíðar­enda, Voga­byggð og Sunnu­smára. Það eru eng­in gæði í því sem þarna er verið að búa til og það er verið að traðka á sögu og menn­ingu Reykja­vík­ur.“

Hann seg­ir það hafa gleymst í skipu­lagi Reykja­vík­ur að skil­greina mik­il­vægi hafn­ar­svæðis­ins.

„Það skilja all­ir mik­il­vægi Tjarn­ar­inn­ar og Aust­ur­vall­ar á meðan höfn­in er af­skipt. Fólk myndi sperra eyr­un ef það kæmu fram hug­mynd­ir um að byggja við Tjörn­ina eða á Aust­ur­velli til að þétta byggð. Höfn­in er mjög mik­il­vægt svæði og í sögu­legu sam­hengi er hægt að gefa sér að Ingólf­ur Arn­ar­son hafi stigið þarna fyrst á land og þetta hef­ur verið teng­ing við um­heim­inn í gegn um ald­irn­ar og á síðustu ára­tug­um saga skipa­smíða í land­inu.“

Hóp­ur­inn hef­ur bar­ist fyr­ir því að þetta svæði verði skipu­lagt með til­liti til sam­heng­is byggðar og hafn­ar og kynnti niður­stöðu sína á sunnu­dag­inn var.

Örn V. Kjart­ans­son

„Það eru tvær gróf­ar til­lög­ur hvernig þetta svæði gæti litið út til sam­an­b­urðar við þær til­lög­ur sem hafa verið lagðar fram og samþykkt­ar. Okk­ar til­lög­ur ganga út á að þarna mynd­ist sam­fella við gömlu byggðina fyr­ir ofan Mýr­ar­göt­una eins og Bakka­stíg og Ný­lendu­götu.“

Við vinn­una var stuðst við þrívídd­ar­tækni eða tölvu­leikja­tækni. Búið er að gera þrívídd­armód­el af allri Reykja­vík og smíðuð þrívídd­armód­el af hús­um inn á reit­inn þannig að fólk á að geta séð þetta eins og af jörðu niðri.

Spurður hvort þessi til­laga sé ekki of seint fram kom­in þar sem búið er að skipu­leggja og selja lóðina seg­ir Páll að ekki sé byrjað að byggja, þannig að ennþá sé hægt að skipta um skoðun.

„Lóðar­haf­ar eru í start­hol­un­um og Örn hjá M3 kom á vinnu­stof­una og er full­kom­lega meðvitaður um þetta allt sam­an. Þetta er það mik­il­vægt svæði að það þarf að fá betri um­fjöll­un og allt aðra nálg­un því þetta er síðasti bit­inn af hafn­ar­svæðinu sem hef­ur ennþá sögu­lega skír­skot­un sem teyg­ir sig aft­ur til land­náms,“ seg­ir Páll.

Páll Jakob Lín­dal.

Lóðin keypt með deili­skipu­lagi

Örn V. Kjart­ans­son fram­kvæmda­stjóri M3 fast­eignaþró­un­ar seg­ir að sér lít­ist vel á að áhuga­fólk um skipu­lags­mál taki hönd­um sam­an og leggi fram til­lög­ur, en það sé of seint fram komið að leggja til eitt­hvað annað en glæ­nýtt skipu­lag sem borg­in sjálf lét gera og seldi.

„Ég keypti lóðirn­ar með því deili­skipu­lagi sem borg­in hafði látið gera og við byrj­um í sum­ar ef allt geng­ur eft­ir. Ég tel skyn­sam­legra að horfa til reita sem ekki er ný­lega búið að skipu­leggja og líka vegna þess að borg­in hef­ur ekki verið til­bú­in að hlusta á hug­mynd­ir eins og þess­ar, á þess­um reit.“

Hann nefn­ir svæði þar sem átti að vera leik­skóli en verður borg­ar­lóð.

„Svo er svæðið næst höfn­inni þar sem núna eru skúr­ar í kring­um ferðaþjón­ustu og at­hafna­svæði slipps­ins. Það yrði sann­ar­lega góð breyt­ing að breyta 200-300 bíla­stæðum í fal­lega íbúðaupp­bygg­ingu á þessu svæði við Vest­ur­höfn.“

Örn bend­ir á að búið sé að fara í land­fyll­ingu fyr­ir fram­an fyr­ir­hugaða byggð, búa til göngu­leið og umbreyta land­inu frá því sem var, þegar Daní­elsslipp­ur­inn var þarna.

„Sag­an get­ur verið lif­andi þótt ekki sé haldið í gamla hluti. Við mun­um byggja á auðri lóð og ætl­um að byggja fal­lega íbúðabyggð með göngu­teng­ing­um í kring, sem er ofan á í dag.“