Skipu­lags­full­trúi Reykja­vík­ur­borg­ar hef­ur kom­ist að þeirri niður­stöðu að kjötvinnsla í hús­næðinu við Álfa­bakka 2A, jafn­an kallað græna gíma­ldið, sé í sam­ræmi við gild­andi skipu­lags­áætlan­ir á svæðinu.

Þetta kem­ur fram í um­sögn skipu­lags­full­trúa Reykja­vík­ur­borg­ar vegna um­sókn­ar um breyt­ingu á bygg­ing­ar­leyfi hús­næðis­ins. Það er Borg­hild­ur Sölvey Sturlu­dótt­ir sem kvitt­ar und­ir um­sögn­ina.

Lagt hafði verið til breyt­ing­ar á vöru­hús­inu þar sem fyr­ir­huguð kjötvinnsla yrði minnkuð og að net­versl­un myndi fara fram í hluta hús­næðis­ins. Er það mat Borg­hild­ar að starf­semi hvoru tveggja sé í sam­ræmi við gild­andi ákvæði aðal­skipu­lags og deili­skipu­lags borg­ar­inn­ar. 

„Leyfi til að gera ljót­ar bygg­ing­ar er mikið á Íslandi“

Það er fyr­ir­tækið Fersk kjötv­ara sem áform­ar að hýsa kjötvinnslu sína í Álfa­bakka 2A. Sú starf­semi fel­ur í sér mót­töku á kjöti, vinnslu þess, pökk­un og dreif­ingu í versl­an­ir. Starf­sem­in tek­ur til um 3.000 fer­metra á fyrstu hæð í vest­ur­enda hús­næðis­ins. 

„Kjötvinnsla sem veld­ur óveru­leg­um um­hverf­isáhrif­um og ann­ar sam­bæri­leg­ur þrifa­leg­ur iðnaður, á tak­mörkuðum hluta viðkom­andi svæðis og/​eða hluta viðkom­andi bygg­ing­ar, er tal­in geta sam­ræmst gild­andi heim­ild­um aðal­skipu­lags Reykja­vík­ur 2040,“ seg­ir meðal ann­ars í um­sögn skipu­lags­full­trú­ans. 

Vík­ur Borg­hild­ur að út­liti vöru­húss­ins en íbú­ar í nær­liggj­andi hús­um hafa mót­mælt vöru­hús­inu vegna ná­lægðar þess við íbúðabyggð. 

„Leyfi til að gera ljót­ar bygg­ing­ar er mikið á Íslandi – lög­gjöf­in spyr hvorki um fag­ur­fræði né sam­hengi. Það er því sorg­leg staðreynd að þeir sem fara með völd, fjár­magn og fyr­ir­ferðar­mik­inn rekst­ur skuli ekki sýna frek­ari metnað í upp­bygg­ingu á miðsvæðum höfuðborg­ar­svæðis­ins. Fag­ur­fræði er ekki smekk­ur – fag­ur­fræði er sam­hengi – og þessa bygg­ingu skort­ir slíkt,“ seg­ir þar jafn­framt. 

Tengd­ar frétt­ir

Vöru­hús við Álfa­bakka 2

Innri end­ur­skoðandi hætt­ur

• Umboðsmaður vill upp­lýs­ing­ar í tengsl­um við gíma­ldið
• Græna gíma­ldið mis­tök sem má ekki end­ur­taka
• Grænt svæði í skjóli og skugga gíma­lds­ins
• Kjötvinnsla ekki í um­hverf­is­mat

» Fleiri tengd­ar frétt­ir

• Blogga um frétt