Störf­um slökkviliðsmanna er lokið við Hjarðar­haga 48. Slökkviliðið er engu nær um upp­tök spreng­ing­ar og elds sem kom upp í kjall­ara­í­búð. Þrír full­orðnir karl­menn voru flutt­ir á bráðamót­töku.

Útlit er fyr­ir að um al­var­legt at­vik hafi verið að ræða.

„Ég veit ekki nán­ar um ástand mann­anna annað en það að ástandið er al­var­legt,“ seg­ir Vern­h­arð Guðna­son deild­ar­stjóri á aðgerðasviði slökkviliðsins á höfuðborg­ar­svæðinu. 

Frétt af mbl.is

Spreng­ing á Hjarðar­haga: Þrír flutt­ir á spít­ala

Allt til­tækt lið 

Hann seg­ir að mönn­um hafi strax orðið ljós al­vara máls­ins. Slökkvilið úr Reykja­vík var fyrst á staðinn og fór inn um dyr til slökkvistarfa en í kjöl­farið kom ann­ar dælu­bíll og slökkviliðsmenn úr hon­um fóru inn um glugga garðmeg­in við húsið. Einn íbúi hafði kom­ist út af sjálfs­dáðum en bjarga þurfti tveim­ur úr íbúðinni

Vern­h­arð Guðna­son. mbl.is/​Eythor Arna­son

„Okk­ar fólk stóð sig frá­bær­lega“ 

„Við send­um allt til­tækt lið á staðinn. Þegar við kom­um þangað var mik­ill eld­ur á jarðhæðinni og frá fyrsta bíl frá okk­ur fóru reykkafar­ar strax inn og fóru að leita, slökkva og bjarga. Í kjöl­farið af því komu aðrar stöðvar á staðinn. Þá bætt­ust við önn­ur reykkafara­gengi. Þær aðgerðir gengu í sjálfu sér mjög vel og okk­ar fólk á vett­vangi á mikið hrós skilið fyr­ir fum­laus vinnu­brögð. Því það var mik­ill eld­ur þarna og erfiðar aðstæður. Auk þess var grun­ur um að fólk væri inni og það sann­ar­lega eyk­ur álag á okk­ar fólk,“ seg­ir Vern­h­arð. 

Íbúar og sjón­ar­vott­ar bíða áhyggju­full­ir. mbl.is/​Eythor Arna­son

Að sögn Vern­h­arðs gekk greiðlega að slökkva eld­inn. 

„Það var eld­ur í fleiri en einu rými í hús­inu en þá má segja að greiðlega hafi gengið að slökkva hann og okk­ar fólk stóð sig frá­bær­lega,“ seg­ir Vern­h­arð. 

Lög­regla fer með rann­sókn máls­ins og kann­ar elds­upp­tök. 

Tengd­ar frétt­ir

Spreng­ing og elds­voði á Hjarðar­haga

Elds­voðinn á Hjarðar­haga: Bíða niður­stöðu úr sýn­um

• Ílát sem í voru eld­fim­ir vökv­ar fund­ust í rúst­un­um
• „Mik­il rann­sókn­ar­vinna í gangi“
• Vísa átti íbúa út dag­inn eft­ir brun­ann
• Banda­ríkjamaður og Tékki lét­ust á Hjarðar­haga

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Páll Vil­hjálms­son: Þrír karl­ar í kjall­ara og spreng­ing