Taka allt að 30% þóknun fyrir þjónustu sína

Jó­hann­es Þór Skúla­son, fram­kvæmda­stjóri Sam­taka ferðaþjón­ust­unn­ar, seg­ir það tíðkast að bók­un­araðilar í ferðaþjón­ustu taki allt að 30% þókn­un fyr­ir þjón­ustu sína.

Verðlags­eft­ir­litsmaður Sviss fyr­ir­skipaði í gær ferðaþjón­ustu­vefn­um Book­ing.com að lækka þókn­an­ir sín­ar fyr­ir hót­elg­ist­ingu um næst­um fjórðung. Jó­hann­es seg­ir í sam­tali við mbl.is að Book­ing.com taki alls ekki hæstu þókn­un sem tíðkast í ferðaþjón­ust­unni.

Frétt af mbl.is

Book­ing gert að lækka þókn­an­ir sín­ar

„Book­ing.com tek­ur ekki hæstu þókn­un í ferðaþjón­ust­unni. Fyr­ir­tæki eins og GetYourGui­de sem eru í afþrey­ing­unni taka allt að 30% þókn­un fyr­ir þjón­ustu sína en það er all­ur gang­ur á þessu.“

Jó­hann­es tel­ur ólík­legt að hægt væri að grípa til sam­bæri­legra aðgerða á Íslandi og gripið hef­ur verið til í Sviss.

Evr­ópu­dóm­stóll­inn greip inn í

Bók­un­araðilar í gistiþjón­ustu hafa að sögn Jó­hann­es­ar lengi verið með ákvæði í samn­ing­um sín­um við hót­el að hót­el­in megi ekki bjóða lægra verð á eig­in veg­um en boðið er hjá bók­un­araðilun­um, svo­kallaðar „pa­rity-klásúl­ur“.

Í forúrsk­urði Evr­ópu­dóm­stóls­ins í sept­em­ber síðastliðnum var þó úr­sk­urðað að ákvæði sem þessi stæðust ekki ákvæði ESB-rétt­ar. Dóm­stól­ar í Hollandi höfðu farið fram á það að Evr­ópu­dóm­stóll­inn myndi taka ákvæði bók­un­araðilana til skoðunar. 

„Þess­ar „pa­rity-klásúl­ur“ voru dæmd­ar ólög­leg­ar hjá Evr­ópu­dóm­stóln­um og í kjöl­farið hef­ur mynd­ast umræða um það hvort að inn­an gisti­brans­ans í Evr­ópu séu þókn­an­ir of háar,“ seg­ir Jó­hann­es sem tel­ur lík­legt að aðgerðir Sviss­lend­inga komi til vegna um­rædds dóms dóm­stóls­ins.

Bjarg­vætt­ur minni aðila

Að sögn Jó­hann­es­ar hef­ur einnig verið umræða hér­lend­is um það hvort að þókn­an­ir bók­un­araðila séu of háar. Hann seg­ir þó að þess­ir aðilar hafi reynst mik­il­væg­ir til þess að minni aðilar í ferðaþjón­ustu geti komið sér á fram­færi. 

„Fyr­ir þessa minni aðila þá hefði pen­ing­ur­inn sem þeir greiða í þókn­an­ir að öðrum kosti lík­lega farið í eig­in markaðssetn­ingu. Það má síðan deila um það hversu eðli­legt sé að þókn­un­in sé há, það fer bara eft­ir viðskipta­skil­mál­um og hvað er verið að fá út úr þjón­ust­unni,“ bæt­ir Jó­hann­es við. 

Jó­hann­es seg­ir að Book­ing.com og Expedia hafi milli­göngu um sölu á alls 70% af gisti­markaðnum inn­an Evr­ópu og að Evr­ópu­sam­bandið hafi und­an­farið reynt að tak­marka markaðsráðandi stöðu þess­ara fyr­ir­tækja meðal ann­ars með reglu­setn­ingu. 

Frétt af mbl.is

Strang­ari regl­ur gilda um Book­ing.com

• Blogga um frétt