Átti miða en sleppti því að fara á leikinn

Þetta er ann­ar Eng­lands­meist­ara­tit­ill­inn sem lið Li­verpool vinn­ur fimm árum, síðast gerðist það árið 2020 en þá gátu stuðnings­menn liðsins ekki fagnað titl­in­um af full­um krafti vegna heims­far­ald­urs. Sverr­ir seg­ir að stuðnings­menn Li­verpool séu því að mörgu leyti að fagna tveim­ur Eng­lands­meist­ara­titl­um í einu.

Millj­ón manns á göt­un­um

Eins og áður seg­ir ákvað Sverr­ir að sleppa því að fara á leik­inn. Seg­ir hann að leik­ur­inn sjálf­ur hafi ekki verið nein sér­stök upp­lif­un, aðal­upp­lif­un­in verður að hans sögn í dag, þegar leik­menn og þjálf­ar­ar Li­verpool fara í rútu með opnu þaki og aka um borg­ina með skrúðgöngu. „Rút­an fer fimm kíló­metra leið sem er í sjálfu sér ekki löng vega­lengd en þetta tek­ur þó þrjá klukku­tíma. Það er bú­ist við því að rúm millj­ón manns verði á skrúðgöng­unni til þess að fagna titl­in­um,“ seg­ir Sverr­ir full­ur til­hlökk­un­ar.

Sverr­ir seg­ist fara um það bil átta sinn­um á leik hjá Li­verpool á ári hverju. Hann seg­ist ekki vita hversu oft hann hef­ur farið á leik hjá liðinu en seg­ir að það séu kom­in vel yfir 100 skipti. Hann seg­ir að í þetta sinn hafi upp­lif­un­in þó verið al­gjör­lega frá­brugðin öll­um öðrum ferðum sem hann hef­ur farið í til borg­ar­inn­ar, það er vegna þess að hon­um stóð al­gjör­lega á sama um leik­inn sem var fram und­an. „Ég er oft spennt­ur í marg­ar vik­ur en mér var skít­sama um þenn­an leik. Ég var kom­inn til að fagna titli, leik­ur­inn skipt­ir engu máli,“ seg­ir Sverr­ir að lok­um.