Ekki lengur hægt að borga með reiðufé

Frá og með 1. júní verður ekki leng­ur hægt að staðgreiða far­gjöld með reiðufé um borð í Strætó á höfuðborg­ar­svæðinu.

Þetta kem­ur fram inni á heimasíðu Strætó. Þó á þetta ekki við um lands­byggðar­vagna þar sem áfram verður hægt að borga með reiðufé eða greiðslu­korti.

Fram kem­ur á heimasíðunni að úr­val greiðslu­mögu­leika hafi auk­ist og nú sé t.d. hægt að greiða snerti­laust með greiðslu­korti um borð í öll­um vögn­um inn­an höfuðborg­ar­svæðis­ins en ein­ung­is 2,3% viðskipta­vina greiði nú með reiðufé um borð í Strætó.

Neyt­enda­sam­tök­in ekki tekið málið fyr­ir

Í sam­tali við mbl.is seg­ir Breki Karls­son, formaður Neyt­enda­sam­tak­anna, að þau hafi ekki tekið málið sér­stak­lega fyr­ir en hon­um sýn­ist að verið sé að færa fyr­ir­komu­lagið til sama veg­ar og er víðast hvar í ná­granna­lönd­un­um. 

„Víða er það þannig að það er aðeins hægt að greiða fyr­ir al­menn­ings­sam­göng­ur með kort­um, sím­tæki eða ein­hverju slíku. Það er til mik­ils hægðar­auka fyr­ir vagn­stjór­ann og stytt­ir ferðatím­ann. Þetta er líka til hægðar­auka fyr­ir flesta farþega,“ seg­ir Breki. 

Breki Karls­son, formaður Neyt­enda­sam­tak­anna. Ljós­mynd/​Neyt­enda­sam­tök­in

Ýmsar versl­an­ir sem taka ekki á móti reiðufé

Breki nefn­ir að Neyt­enda­sam­tök­in hafi lagt fyr­ir­spurn til Seðlabanka Íslands fyr­ir ein­hverj­um árum sem varðaði skyldu söluaðila vöru og þjón­ustu að taka við reiðufé.

„Svar Seðlabank­ans var á þá leið að það væri ekki skylda að taka við reiðufé svo lengi sem ein­ing­in sem lægi þar að baki væri ís­lenska krón­an,“ seg­ir Breki.

Hann tek­ur fram að það séu ýms­ar versl­an­ir og þjón­ustuaðilar sem taka ekki við reiðufé, t.d. ákveðnir skyndi­bitastaðir og fyr­ir­tæki í póstþjón­ustu.

„Við hjá Neyt­enda­sam­tök­un­um höf­um ekki lagst gegn því en við höf­um svo sem ekki tekið þetta fyr­ir. Við telj­um samt sem áður að reiðufé sé alltaf nauðsyn­legt sem þrauta­vara­leið ef eitt­hvað kem­ur upp á. “

• Blogga um frétt