Leit að sundmanninum stendur enn yfir

Leit stend­ur enn yfir að sund­manni við Fiskislóð en lög­reglu barst til­kynn­ing um mann í sjón­um klukk­an kort­er í fimm í dag. Mik­ill viðbúnaður er á svæðinu vegna máls­ins. 

Þetta seg­ir Ásmund­ur Rún­ar Gylfa­son, aðstoðar­yf­ir­lög­regluþjónn hjá lög­regl­unni á höfuðborg­ar­svæðinu.

Hann hafði ekki upp­lýs­ing­ar um hversu lengi maður­inn er tal­inn hafa verið í sjón­um. 

Fleiri kafar­ar á leiðinni

Kafar­ar frá sér­sveit­inni voru ræst­ir út að beiðni lög­regl­unn­ar á höfuðborg­ar­svæðinu vegna máls­ins. Þyrla Land­helg­is­gæsl­unn­ar tek­ur einnig þátt í aðgerðunum. 

Slysa­varna­fé­lagið Lands­björg hef­ur aukið viðbúnað á svæðinu en á vett­vangi eru sjó­björg­un­ar­flokk­ar, þrír björg­un­ar­bát­ar, björg­un­ar­skipið Jó­hann­es Briem auk þess sem kafar­ar frá Suður­nesj­um eru á leið á vett­vang. 

Þetta seg­ir Jón Þór Víg­lunds­son, upp­lýs­inga­full­trúi Lands­bjarg­ar, í sam­tali við mbl.is. 

Blaðamaður mbl.is er á vett­vangi og seg­ir að björg­un­ar­sveit­ar­menn séu farn­ir að leita í grjót­inu við sjóg­arðinn.

Hef­ur leit­in einnig færst fjær strönd­inni en þyrla Land­helg­is­gæsl­unn­ar og björg­un­ar­bát­ar virðast hafa fært sig utar.  

Frétt­in hef­ur verið upp­færð með frek­ari upp­lýs­ing­um.

Slysa­varna­fé­lagið Lands­björg hef­ur aukið viðbúnað vegna leit­ar­inn­ar. mbl.is/​Há­kon

Mik­ill viðbúnaður er á svæðinu. mbl.is/​Há­kon

Viðbragðsaðilar á vett­vangi. mbl.is/​Há­kon

Lög­regl­an á höfuðborg­ar­svæðinu óskaði eft­ir aðstoð frá sér­sveit­inni. mbl.is/​Há­kon

Fólk virðist hafa safn­ast sam­an til að fylgj­ast með aðgerðunum. mbl.is/​Há­kon

Af vett­vangi. mbl.is/​Há­kon

• Blogga um frétt