Gæslan send að rússneskum togara

Land­helg­is­gæsl­an fékk ósk um aðstoð við rúss­neskt fisk­veiðiskip sem var að veiðum rétt fyr­ir utan 200 sjó­mílna lög­sögu Íslands, suðvest­ur af land­inu. Um borð var veik­ur sjó­maður sem þurfti á aðstoð að halda.

Að sögn Ásgeirs Er­lends­son­ar, upp­lýs­inga­full­trúa Land­helg­is­gæsl­unn­ar, var þyrla og flug­vél­in TF SIF send í átt að tog­ar­an­um. Var hon­um beint inn fyr­ir lög­sög­una svo björg­un­ar­ferðin myndi verða styttri.

„Við feng­um aðstoðarbeiðni frá rúss­nesk­um tog­ara sem var að veiðum við Reykja­nes­hrygg, um að þar væri veik­ur maður um borð,“ seg­ir Ásgeir.

„Þetta er tölu­vert löng leið og skipið var því beðið að koma ör­lítið til móts við land. Við kölluðum út þyrlu og flug­vél sök­um þess hve ferðalagið er langt. Þyrl­an var að lenda á Land­spít­al­an­um fyr­ir skemmstu,“ seg­ir Ásgeir.

• 1 blogg um frétt­ina

Bloggað um frétt­ina

• Jónatan Karls­son: Til ham­ingju Ísland.