Háspennustrengur til Grindavíkur gaf sig

Há­spennu­streng­ur að Grinda­vík gaf sig í gær með þeim af­leiðing­um að bær­inn varð all­ur raf­magns­laus. Búið er að gera við streng­inn.

„Það var áverki á strengn­um sem gaf sig í gær með þess­um af­leiðing­um,“ seg­ir Sigrún Inga Ævars­dótt­ir, sam­skipta- og markaðsstjóri HS Veitna, í sam­tali við mbl.is. HS Veit­ur til­kynntu á Face­book kl. 21.25 í gær að búið væri að gera við bil­un­ina.

Bær­inn var því án raf­magns í um sex tíma með til­heyr­andi áhrif á íbúa og fyr­ir­tæki í bæn­um.

Frétt af mbl.is

„Dag­ur­inn er samt eig­in­lega ónýt­ur“

Sigrún seg­ir ekki vitað hvenær hnjaskið varð á há­spennu­strengn­um, sem ligg­ur um Nes­veg aust­an Grinda­vík­ur, eða hvað olli hon­um en það sé eðli­legt að slíkt ger­ist af og til. „Svona get­ur alltaf komið upp í veitu­kerf­um. Það geta alltaf komið bil­an­ir,“ seg­ir Sigrún.

„Okk­ar verklag er í raun­inni bara þannig að greina bil­un­ina og í þessu til­felli þá sást að hann hafði orðið fyr­ir hnjaski, streng­ur­inn. En það er svo sem ekk­ert óeðli­legt þar sem þess­ir streng­ir liggja neðanj­arðar.“

Margt hef­ur gengið á í Grinda­vík að und­an­förnu, eins og alþjóð veit; jarðskjálft­ar, eld­gos og bygg­ing varn­argarða gætu skýrt áverk­ann, að sögn Sigrún­ar.

En streng­ur­inn hef­ur verið eina teng­ing HS Veitna við Grinda­vík eft­ir að stofn­streng­ur skaddaðist í elds­um­brot­um síðasta sum­ar.

„Þess vegna verður all­ur bær­inn raf­magns­laus við þessa bil­un,“ bæt­ir Sigrún við.

„Fyrst um sinn hafði þetta áhrif á allt svæðið, þar með talið fyr­ir­tæki sem eru þarna utan við bæ­inn, fisk­eld­in. En okk­ur tókst að koma raf­magni fyrr á fisk­eld­in, sem eru þarna um Arfa­dals­leið, en í kjöl­farið þurft­um við að gera viðgerð á strengn­um til að koma raf­magni á bæ­inn aft­ur.“

• Blogga um frétt