Hannað í landslag

Stefnt er á að baðstaður­inn Laug­ar­ás Lagoon í Bisk­upstung­um verði opnaður upp úr miðju sumri.

Til alls er vandað við lónið, sem verður á tveim­ur hæðum með fossi sem gengt verður um. Á úti­svæði verða tvær sán­ur, köld og heit laug og útisturt­ur. Þarna verður sömu­leiðis veit­ingastaður­inn Ylja, með græn­meti úr upp­sveit­um Árnes­sýslu í há­veg­um. Baðstaður­inn er hannaður inn í lands­lagið og frá laug­un­um er út­sýni yfir Hvítá og Iðubrú og til Vörðufells og fram um sveit­ir.

„Við finn­um mikla eft­ir­vænt­ingu, en við höf­um að und­an­förnu verið að kynna baðstaðinn fyr­ir fólki í ferðaþjón­ust­unni og fleir­um. Svæðið er nú þegar fjöl­sótt og telj­um við að baðlónið og veit­ingastaður­inn verði góð viðbót á svæðinu, íbú­um og ferðafólki,“ seg­ir Bryn­dís Björns­dótt­ir hjá Laug­ar­ás Lagoon.