Myndir: Andstæðir pólar mættust á Austurvelli

Hundruð mans voru viðstadd­ir þegar til rysk­inga kom milli nokk­urra mót­mæl­enda á Aust­ur­velli í dag þar sem tvær and­stæðar fylk­ing­ar mætt­ust.

Önn­ur mót­mælt­in voru á veg­um Face­book-hóps­ins „Íslands þvert á flokka“ þar sem opn­um landa­mær­um var mót­mælt. Kröf­ur voru m.a. að hæl­is­leit­end­ur yrðu vistaðir í lokuðu úrræði á meðan unnið væri að bak­grunns­rann­sókn. Einnig kröfðust þeir fjöl­skyldusam­ein­ing­ar yrðu af­numd­ar og að gert yrði hlé á mót­töku hæl­is­um­sókna.

Á sama tíma stóð efndu No Bor­ders og IWW á Íslandi til sam­töðufund­ar á Ing­ólf­s­torgi, sem hafði fyrst átt að fara fram á Aust­ur­velli til að trufla hin mót­mæl­in en var á end­an­um færður. Fólk úr þeim hóp fór síðan af Ing­ólf­s­torgi á Aust­ur­völl og reyndu að kaf­færa ræðuhöld­um hinna mót­mæl­ana í hávaða.

Ein­hver ruðning­ur varð milli mót­mæl­enda en hann leyst­ist fljótt upp. Þó nokk­ur fjöldi var sam­an á mót­mæl­un­um og báru marg­ir þeirra Íslenska fána.