Ráðuneytið gerir ekki athugasemd við setu Björns

Innviðaráðuneytið ger­ir ekki at­huga­semd við að Björn Gísla­son, borg­ar­full­trúi Sjálf­stæðis­flokks, taki sæti í íþrótta- og tóm­stundaráði Reykja­vík­ur­borg­ar þó að hann sé tengd­ur íþrótta­fé­lag­inu Fylki. Hins veg­ar er bent á að sveita­stjórna sjálfra sé að ákveða um hæfi.

Málið á ræt­ur sín­ar að rekja til þess þegar skrif­stofu­stjóri borg­ar­stjórn­ar fjallaði um hæfi Björns í minn­is­blaði til for­sæt­is­nefnd­ar borg­ar­stjórn­ar 6. mars 2023 en þá taldi skrif­stofu­stjór­inn, auk borg­ar­lög­manns, Björn van­hæf­an til að sitja í ráðinu.

Innviðaráðuneytið var beðið um álit en hon­um var meinað að taka sæti í íþrótta- og tóm­stundaráði árið 2023 vegna starfa sinna sem formaður aðal­stjórn­ar Fylk­is. Um er að ræða sjálf­boðaliðastarf.

Frétt af mbl.is

Meint van­hæfi á borð innviðaráðuneyt­is­ins

Sveita­stjórn­ir ákveði sjálf­ar 

Í skemmstu máli seg­ir í áliti innviðaráðuneyt­is­ins að það sé sveit­ar­stjórna sjálfra að meta hæfi kjör­inna full­trúa, og að sú ákvörðun verði að byggja á mál­efna­leg­um og laga­leg­um sjón­ar­miðum. Þá seg­ir að fyrst og fremst sé horft til þess hvort per­sónu­leg­ir hags­mun­ir geti haft áhrif á störf borg­ar­full­trúa. Björn hef­ur áður vikið af fund­um þar sem mál­efni Fylk­is eru til umræðu.

Sjá ekki slíka hags­muni 

Sjálf­stæðis­menn lögðu fram bók­un í for­sæt­is­nefnd borg­ar­stjórn­ar þann 30. maí þar sem flokk­ur­inn túlk­ar álit ráðuneyt­is­ins þannig:

„Að ekki sé nægj­an­legt að vísa til stöðu í sjálf­boðastarfi nema sér­stak­ir og veru­leg­ir hags­mun­ir liggi fyr­ir, sem geta haft áhrif á úr­lausn mála. Ekki verður séð að slík­ir hags­mun­ir séu fyr­ir hendi í til­viki Björns Gísla­son­ar, sem gegn­ir ólaunaðri for­mennsku hjá íþrótta­fé­lagi. Enn­frem­ur árétt­ar ráðuneytið að ekki megi úti­loka full­trúa frá nefnd­ar­störf­um nema brýn­ar og mál­efna­leg­ar ástæður liggi að baki, og að sérþekk­ing geti ein­mitt verið ástæða til nefnd­ar­setu.“

• Blogga um frétt