Bú­ast má við rign­ingu af og til í flest­um lands­hlut­um í dag. Hvergi er þó bú­ist við mik­illi úr­komu. Vind­ur verður áfram frem­ur hæg­ur og átt­in vest­læg eða breyti­leg. Hiti verður á bil­inu 6 til 13 stig.

Þá stefn­ir í júní­hret fyrripart næstu viku. Í gær voru send­ar út viðvar­an­ir vegna þess. Lík­legt er að í dag muni viðvör­un­um fjölga og þeim verði svæðaskipt.

Þetta kem­ur fram í hug­leiðing­um veður­fræðings á Veður­stofu Íslands. 

Frétt af mbl.is

Gul viðvör­un, slydda og kald­ur vind­ur í kort­un­um

Á morg­un geng­ur í norðan stinn­ings­kalda. Bú­ast má við rign­ingu eða slyddu með köfl­um á norðan­verðu land­inu og snjó­komu á heiðum og til fjalla.

„Úrkom­an mest­megn­is í formi rign­ing­ar aust­an­lands fram á kvöld, en síðan gæti hún orðið slyddu­kennd þar. Suðvest­an­til verður vænt­an­lega eng­in úr­koma. Það kóln­ar í veðri og annað kvöld er hita spáð frá frost­marki í innsveit­um fyr­ir norðan, upp í 7 stig við suður­strönd­ina,“ seg­ir í hug­leiðing­un­um. 

Á þriðju­dag hvess­ir. Bú­ast má við tals­verðri rign­ingu á lág­lendi norðan- og aust­an­lands og slyddu eða snjó­komu til fjalla. Úrkomum­inna verður sunn­an heiða. Hiti verður á bil­inu 2 til 10 stig, kald­ast í innsveit­um norðan­lands.

„Það stefn­ir semsagt í júní­hret fyrripart næstu viku og í gær var byrjað að senda út viðvar­an­ir vegna þess. Lík­legt er að í dag muni fjölga viðvör­un­um og þeim verði svæðaskipt, en slíkt er gert þegar styttra er í at­b­urðinn og spár verða viss­ari,“ seg­ir í hug­leiðing­un­um. 

Veður­vef­ur mbl.is.

Tengd­ar frétt­ir

Veður

Úrkom­an eykst með kvöld­inu

• Blautt í dag og út­lit fyr­ir vætu­sama helgi
• Væta áfram í kort­un­um
• Styrk­ur fíns svifryks hef­ur hækkað í borg­inni
• Rign­ing þarf ekki að koma í veg fyr­ir hátíðar­höld

» Fleiri tengd­ar frétt­ir

• Blogga um frétt