Með 8,4 lítra af kókaínbasa

Karl og kona frá Spáni hafa verið ákærð fyr­ir stór­fellt fíkni­efna­laga­brot með því að hafa í fe­brú­ar sam­an flutt inn sam­tals 8,4 lítra af kókaín­basa með 44-45% styrk­leika. Kom fólkið með efn­in í flugi frá Mílanó á Ítal­íu.

Í ákæru máls­ins, sem þing­fest var í Héraðsdómi Reykja­ness í síðasta mánuði, kem­ur fram að fólkið hafi verið með efn­in fal­in í tveim­ur far­ang­ur­stösk­um. Fyrst hafi fólkið skilið tösk­urn­ar eft­ir í tösku­sal flug­stöðvar­inn­ar, en síðar komið aft­ur og ætlað að fá tösk­urn­ar af­hent­ar, en þá verið hand­tek­in af lög­reglu.

Maður­inn er fimm­tug­ur en kon­an er 39 ára, en sem fyrr seg­ir eru þau bæði rík­is­borg­ar­ar Spán­ar.

Frétt af mbl.is

Kókaín­met á Kefla­vík­ur­flug­velli

Eins og mbl.is fjallaði um um helg­ina stefn­ir í metár þegar kem­ur að hald­lögðu magni kókaíns á Kefla­vík­ur­flug­velli. Sagði lög­reglu­full­trúi hjá embætti lög­reglu­stjór­ans á Suður­nesj­um, sem fer fyr­ir rann­sókn á skipu­lagðri brot­a­starf­semi, að mark­tæk aukn­ing væri í slík­um mál­um.

Það sem af er ári hef­ur lög­regl­an þegar lagt hald á 40,26 kíló af kókaíni á flug­vell­in­um.

Frétt af mbl.is

Ein­hversstaðar kom­ast efn­in inn í landið

• Blogga um frétt