App­el­sínu­gul­ar og gul­ar viðvar­an­ir vegna veðurs eru á öllu land­inu í dag. Þær tóku gildi ým­ist í nótt eða taka gildi með morgn­in­um og þegar líður á dag­inn. Veður­stofa Íslands hef­ur bætt höfuðborg­ar­svæðinu við en gul viðverðum vegna norðan hvassviðris tek­ur gildi klukk­an 8.

Frétt af mbl.is

„Farið að snjóa hressi­lega“

Á Norður­landi eystra, Aust­ur­landi að Glett­ingi, Aust­fjörðum og á Suðaust­ur­landi eru app­el­sínu­gul­ar viðvar­an­ir í gildi vegna norðan storms og hríðar og þá má bú­ast við auknu af­rennsli og vatna­vöxt­um sem eyk­ur hættu á flóðum og skriðuföll­um sök­um mik­ill­ar rign­ing­ar.

Frétt af mbl.is

Lýsa yfir óvissu­stigi vegna norðaná­hlaups­ins

Veður­spá­in fyr­ir dag­inn er ekki beint sum­ar­leg en í dag verður norðan 13-23 m/​s, hvass­ast í vind­strengj­um sunn­an­lands. Snjó­koma eða slydda verður á Norður-og Aust­ur­landi en þar hlýn­ar þegar líður á dag­inn með tals­verðri rign­ingu á lág­lendi. Það verður úr­komum­inna sunn­an heiða. Það fer að draga úr vindi á land­inu seint í dag. Hit­inn verður á bil­inu 3 til 9 stig síðdeg­is.

Á morg­un verður norðan 10-18 m/​s, en 8-15 m/​s seinni part­inn. Rign­ing verður um landið norðan­vert með hita á bil­inu 2 til 7 stig en sunn­an­lands verður þurrt að kalla og hit­inn þar verður 7 til 12 stig.

Veður­vef­ur mbl.is

Tengd­ar frétt­ir

Veður

Lægð suður af land­inu

• Eng­inn lands­hluti slepp­ur al­veg við úr­komu
• Yf­ir­leitt skýjað og þurrt
• Gul­ar viðvar­an­ir taka gildi up­p­úr há­degi
• Óspenn­andi úti­legu­veður um helg­ina

» Fleiri tengd­ar frétt­ir

• Blogga um frétt