Fékk núll á fyrsta prófi en dúxaði

Þegar Her­mann Guðmunds­son, ný­stúd­ent frá Fjöl­braut­ar­skól­an­um í Garðabæ, fékk ein­kunn­ina 0 á sínu fyrsta prófi við skól­ann bjóst hann ekki við því að hann myndi verða dúx skól­ans með 9,6 í meðal­ein­kunn. 

Fékk Her­mann einnig fjölda verðlauna í öðrum grein­um fyr­ir góðan náms­ár­ang­ur.  

Frétt af mbl.is

Stærsta braut­skrán­ing í sögu skól­ans

Her­mann lagði mikið á sig í lær­dómn­um en hann æfir einnig fót­bolta með Breiðabliki. Að sögn hans er skipu­lag lyk­ill­inn að góðu jafn­vægi.

„Ég lærði ansi mikið en ég reyndi að vera með jafn­vægi milli lær­dóms­ins og frí­tíma. Það kom stund­um niður á svefn­in­um ef ég ætlaði að læra mikið, hreyfa mig og hitta vini mína.“

Skóla­gang­an byrjaði erfiðlega

Á fyrsta prófi Her­manns í FG fékk hann núll í ein­kunn. Var það staf­setn­ingar­próf í ís­lensku en Her­mann er hald­inn les­blindu.

„Ég kol­féll á því prófi. Kenn­ar­inn fór ekki einu sinni yfir allt prófið. Ég spurði hvers vegna eng­ar vill­ur væru á blaðsíðu tvö og þrjú, þá sagði hún að ég hefði þegar verið kom­inn með núll. Það var ákveðinn skell­ur,“ seg­ir Her­mann. 

Eft­ir seinni önn­ina á öðru ári fékk Her­mann betri ein­kunn­ir og við það lagði hann enn meira á sig. Hann seg­ist hafa tekið sig taki og ákveðið að taka námið al­var­lega. 

Her­mann stefn­ir á nám í stjórn­mála­fræði en hann hef­ur þó ekki tekið ákvörðun enn sem komið er.

• Blogga um frétt