Harmar mjög það sem gerðist
Setja bókamerki
Eigandi Nordic Live Events harmar mjög þar sem gerðist í Laugardalshöll um helgina þegar fólk lenti undir í troðningi og um 15 manns fóru á bráðamóttöku Landspítalans. Eigandinn vonar jafnframt að atvikið verði fyrirtækinu lærdómsríkt.
Fara ítarlega yfir aðstæðurnar
„Það verður farið ítarlega yfir þær aðstæður sem sköpuðust, með það að markmiði að koma í veg fyrir að slíkt endurtaki sig. Í aðdraganda tónleikanna voru haldnir fundir með lögreglu og slökkviliði, en þrátt fyrir það sá enginn fyrir þær aðstæður sem sköpuðust,” segir Björgvin Þór Rúnarsson í tilkynningu.
Í fyrri tilkynningu Nordic Live Events á sunnudag kom fram að fyrirtækinu þætti miður að troðningur hefði myndast.
Vonandi hægt að gera betur næst
Fram kemur í tilkynningunni sem var birt í morgun að vonandi verði atvikið til þess að hægt verði að gera enn betur í framtíðinni. Einnig segir Björgvin Þór að hann muni á morgun funda, ásamt fleirum, með rýnihóp lögreglu og slökkviliðs þar sem farið verður yfir það sem fór úrskeiðis og hvað má bæta.
„Nordic Live Events sá alfarið um skipulagningu og framkvæmd þessa viðburðar og öryggisgæslan var í höndum Icelandic Security. Auddi, Steindi og Egill komu að markaðsmálum og undirbúningi tónleikanna,” segir hann í tilkynningunni.
„Verði okkur lærdómsríkt“
„Sem eigandi Nordic Live Events harmi ég mjög það sem gerðist og vona innilega að þetta atvik verði okkur lærdómsríkt. Markmiðið er að gera næstu stóru viðburði, sem haldnir verða í Frjálsíþróttahöllinni, enn betri fyrir alla gesti.”
„Íran er ógn“
„Það er verið að stela börnum“
Auðlindagjald á hitaveitu
/frimg/1/57/64/1576446.jpg)
„Blautir draumar“ og „galdrafár“
Telja Jón hafa verið myrtan fyrir mistök
Ísland leiðir stofnun nýs sérstaks dómstóls
/frimg/1/57/63/1576357.jpg)
Freistar þess að krækja í fyrsta laxinn
Brátt verður ekki aftur snúið