„Ég var dug­leg að læra en það var ekki það eina sem ég gerði,“ seg­ir Amel­ía Rós Gils­dorf, ný­stúd­ent frá Mennta­skól­an­um við Sund. Amel­ía varð dúx skól­ans með 9,46 í meðal­ein­kunn.

Amel­ía seg­ist ekki hafa átt von á því að verða dúx og að það hafi komið á óvart. „Ég vissi að ég ætti mögu­leika á því en ég bjóst aldrei við því að það myndi vera ég“, seg­ir hún. 

Amel­ía seg­ir jafn­vægi milli náms­ins og fé­lags­lífs­ins vera lyk­il­inn að vel­gengni. Hún seg­ir það hafa skipt máli að vera dug­leg að sinna nám­inu og læra en einnig að taka þátt í fé­lags­líf­inu eins og hún vildi. 

Hún sagði þó einnig að lyk­ill­inn væri að læra það sem maður hef­ur áhuga á. „Ég hef áhuga á sögu og fé­lags­fræði og ákvað að læra það þannig að mér fannst bara gam­an að læra,“ seg­ir Amel­ía.

Fólkið í MS stend­ur upp úr 

„Fólkið í kring­um mig í MS,“ seg­ir Amel­ía vera það sem stend­ur upp úr mennta­skóla­ár­un­um. Hún seg­ist hafa kynnst góðum vin­konu­hópi og að þær væru dug­leg­ar að hvetja hver aðra áfram í nám­inu.

Amel­ía seg­ist stefna á lög­fræðinám í há­skóla strax í haust og horf­ir spennt á haustið sem fram und­an er.

Tengd­ar frétt­ir

Útskrift­ir

Saka­mál og manns­lík­am­inn heilluðu

• Bjóst ekki við því að dúxa
• Stefndi alltaf að því að standa sig vel
• HR út­skrifaði 217 nem­end­ur
• Dúx­inn með 8,37 í meðal­ein­kunn

» Fleiri tengd­ar frétt­ir

• Blogga um frétt