Þýddi ekki annað en að taka þær inn

„Það eru vand­ræði að þurfa að vera með kind­urn­ar inni, en það verður að vera þannig þangað til að það skán­ar eitt­hvað,“ seg­ir Bene­dikt Arn­björns­son, bóndi á Bergs­stöðum í Suður Þing­eyj­ar­sýslu, í sam­tali við mbl.is en í dag hafa bænd­ur á Norður­landi þurft aðstoð björg­un­ar­sveita við að koma sauðfé í skjól vegna veðurs. 

Bene­dikt smalaði sínu sauðfé inn seinnipart­inn í gær þar sem það spáði snjó­komu. 

„Það er akkúrat ár síðan það var allt vit­laust hérna, maður áttaði sig á því að það þýddi ekk­ert annað en að taka þær inn,“ seg­ir Bene­dikt. 

Spurður hvernig hafi gengið að smala kind­un­um inn seg­ir Bene­dikt það hafa gengið vel en hann er með frek­ar fátt fé í stór­um hús­um. 

Mik­il úr­koma næstu daga

„Spá­in er þannig að það verður mik­il úr­koma á morg­un og fimmtu­dag­inn,“ seg­ir Bene­dikt en hann seg­ist kannski munu setja féð út þrátt fyr­ir úr­komu ef það læg­ir. 

Sam­kvæmt Veður­stofu Íslands má bú­ast við mik­illi upp­safnaðri úr­komu næstu tvo daga, sér­stak­lega á norðan­verðu land­inu í kring­um Flat­eyj­ar­skaga og Trölla­skaga.

Upp­söfnuð úr­koma sam­kvæmt UWC-IG veður­líkan­inu fyr­ir næstu 70 klst (03.06.2025 kl:06 – 06.06.2025 kl: 06.) Kort/​Veður­stofa Íslands

Úrkom­an get­ur leitt til skriðuhættu og vatna­vöxt­um. Skriðuviðvör­un er því í gildi fyr­ir norðan­vert landið, frá Strönd­um að Glett­ingi. Greint er frá þessu inni á bloggsíðu Veður­stofu Íslands.

• Blogga um frétt